సునీల్ భయ్యా ఏం చేస్తున్నారు ఇంత‌కీ?

క‌మెడియ‌న్ ట‌ర్న్ డ్ సునీల్ కెరీర్ డైల‌మా ఇంకా కొన‌సాగుతోందా? ఫ్రెండు త్రివిక్ర‌మ్ లిఫ్టిచ్చినా ఇంకా అత‌డు ట్రాక్ లోకి రాలేదా? అంటే అవున‌నే స‌న్నివేశం చెబుతోంది. `అర‌వింద స‌మేత` త‌ర్వాత వ‌రుస‌గా సినిమాల‌కు క‌మిట‌వుతాడ‌ని భావిస్తే సునీల్ భ‌య్యా ఇప్ప‌టివ‌ర‌కూ వేరొక సినిమాకి క‌మిట‌యిన‌ట్టే క‌నిపించడం లేదు. చేతిలో సినిమాల్లేవ్ ఎందుక‌నో! మొన్న బ‌న్ని-త్రివిక్ర‌మ్ సినిమా నుంచి అత‌డి రోల్ ని తొల‌గించార‌ని ప్ర‌చార‌మైంది.

అయినా ఇత‌ర సినిమాల‌కు ఎందుక‌నో సంత‌కాలు చేయ‌డం లేదట‌. అస‌లింత‌కీ సునీల్ భ‌య్యాకి ఏమైంది? ఇటీవ‌ల కేఏ పాల్ బ‌యోపిక్ లో సునీల్ న‌టిస్తున్నార‌ని అన్నారు.. కానీ దాని వివ‌రాలేవీ అధికారికంగా బ‌య‌టికి రాలేదు. అడ‌పా ద‌డ‌పా అమెరికాలో పాల్ సినిమా ఫోటో షూట్ అంటూ ఏవో కొన్ని డ‌మ్మీ ఫోటోలు అయితే అంత‌ర్జాలంలోకి వ‌చ్చాయి. ఇంత‌కీ ఆ సినిమాని పీపుల్స్ మీడియాసంస్థ చేస్తోందా లేదా? ఈ బ్యానర్ కి `సిల్లీ ఫెలోస్` త‌ర్వాత సునీల్ తో క‌మిట్ మెంట్ ఉంది. సినిమా చేయమ‌ని సునీల్ వెంట ప‌డుతోంద‌ట‌. కానీ అత‌డే ఇంకా ఇంకా ఎందుక‌నో లేట్ చేస్తున్నారు.

ఇక‌పోతే ఇంత‌కుముందు సునీల్ అమెరికాలో ఏం చేశారు? ప్ర‌స్తుతం వైజాగ్ లో ఏం చేస్తున్నారు? అన్న‌ది స‌స్పెన్స్. సునీల్ వ‌రుస‌గా వెంట వెంట‌నే ప్రాజెక్టుల‌కు ఓకే చెప్పేదెపుడు? బిజీ అయ్యేదెపుడు? అంటూ అభిమానులు ఆస‌క్తిగా వేచి చూస్తున్నారు. నిర్మాణ సంస్థ‌లు ఆస‌క్తిగా ఉన్నా.. క‌థ‌లు రెడీ చేస్తున్నా భ‌య్యా ఎందుక‌నో సంత‌కం చేయ‌డం లేద‌ట‌. త‌న‌కు తానుగానే ఆఫ‌ర్లు వ‌దులుకుంటున్నారా? అస‌లేమైంది? త‌నే చెబుతాడేమో ప్రాక్టిక‌ల్ గా.