ప్ర‌మోష‌న్స్ కోసం స‌మంత ఏం చేయ‌బోతోంది?

స‌మంత న‌టిస్తున్న లేటెస్ట్ సైన్స్ ఫిక్ష‌న్ థ్రిల్ల‌ర్ 'య‌శోద‌'. ఈ మూవీతో పాన్ ఇండియాని టార్గెట్ చేసింది స‌మంత‌. తెలుగుతో పాటు త‌మిళంలోనూ ఏక కాలంలో రూపొందుతున్న ఈ మూవీని పాన్ ఇండియా వైడ్ గా ఐదు భాష‌ల్లో రిలీజ్ చేయ‌బోతున్నారు. శ్రీ‌దేవి మూవీస్ బ్యాన‌ర్ పై శివెంక కృష్ణ ప్ర‌సాద్ నిర్మిస్తున్న ఈ మూవీ ద్వారా హ‌రి - హ‌రీష్ అనే ఇద్ద‌రు ద‌ర్శ‌కులుగా ప‌ర‌చ‌యం అవుతున్నారు. గ‌త కొంత కాలంగా వ‌రుస‌గా వాయిదా ప‌డుతూ వ‌స్తున్న ఈ మూవీ ఎట్ట‌కేల‌కు న‌వంబ‌ర్ 11న ప్రేక్ష‌కుల ముందుకు రాబోతోంది.

వ‌ర‌ల‌క్ష్మీ శ‌ర‌త్ కుమార్ లేడీ విల‌న్‌ గా న‌టిస్తున్న ఈ మూవీలో భాగ‌మ‌తి, ఖిలాడీ చిత్రాల ఫేమ్ ఉన్ని ముకుంద‌న్ ప్ర‌ధాన పాత్ర‌లో న‌టిస్తున్నాడు. ఇప్ప‌టికే విడుద‌లైన టీజ‌ర్‌, ట్రైల‌ర్ సినిమాపై అంచనాల్ని పెంచేశాయి. స‌రోగ‌సీ విధానం నేప‌థ్యంలో సైన్స్ ఫిక్ష‌న్ థ్రిల్ల‌ర్ గా ఈ మూవీని రూపొందించారు. టీజ‌ర్‌, ట్రైల‌ర్ గ్రిప్పింగ్ గా సాగ‌డంతో సినిమా కొత్త పంథాలో ప్రేక్ష‌కుల్ని థ్రిల్ కు గురిచేయ‌డం ఖాయం అనే కామెంట్ లు వినిపిస్తున్నాయి.

సినిమా రిలీజ్ కు మ‌రో వార రోజులు మాత్ర‌మే వుండ‌టంతో చిత్ర బృందం ప్ర‌మోష‌న‌ల్ యాక్టివిటీస్ ని మొద‌లు పెట్టేసింది. అయితే సినిమాకు ప్ర‌ధాన పిల్ల‌ర్ గా నిలిచిన స‌మంత మాత్రం ప్ర‌మోష‌న్స్ కోసం బ‌య‌టికి రావ‌డం లేదు. కార‌ణం త‌ను గ‌త కొంత కాలంగా మైయోసిటిస్ అనే వ్యాధితో తాను బాధ‌ప‌డుతున్నాన‌ని, చేతికి లెసెన్ పెట్టి వుండ‌గా డ‌బ్బింగ్ చెబుతున్న ఫొటోని షేర్ చేసి స‌మంత అభిమానుల‌కు, సెల‌బ్రిటీల‌కు షాక్ ఇచ్చిన విష‌యం తెలిసిందే.

ఇలాంటి ప‌రిస్థితుల్లో సామ్ ఈ మూవీ ప్ర‌మోషన్స్ లో పాల్గొంటుందా? ఇంత‌కీ ఈ మూవీ ప్ర‌మోష‌న్స్ కోసం తాను ఏం చేయ‌బోతోంది? అన్న‌ది ఇప్పుడు ఆస‌క్తిక‌రంగా మారింది. త‌న ఆరోగ్యం అప్ సెట్ కావ‌డం వ‌ల్ల ఇటీవ‌ల ట్రైల‌ర్ రిలీజ్ ఈవెంట్‌ని సామ్ క్యాన్సిల్ చేయించిన విష‌యం తెలిసిందే. అయితే మ‌రో వారం రోజుల్లో సినిమా రిలీజ్ ఆక‌నున్న నేప‌థ్యంలో సామ్ త‌ప్ప‌ని స‌రిగా ప్ర‌మోష‌న్స్ లో పాల్గొనాల్సిందే న‌ని ఇండ‌స్ట్రీ వ‌ర్గాల్లో వినిపిస్తోంది. ఈ నేప‌థ్యంలో రానున్న రోజుల్లో స‌మంత ప్ర‌ధాన ఈవెంట్ ల‌కు మాత్ర‌మే హాజ‌రు కానుందని చెబుతున్నారు.

ఇదిలా వుంటే స‌మంత త‌న అనారోగ్యం గురించి సోష‌ల్ మీడియా వేదిక‌గా వెల్ల‌డిస్తూ ఓ ఫొటోని షేర్ చేయ‌డంతో 'య‌శోద‌' సినిమాపై అంద‌రిలోనూ ఓ సింప‌తీ ఫ్యాక్ట‌ర్ మొద‌లైంది. ఇదే ఈ మూవీకి భారీ ఓపెనింగ్స్ ని తెచ్చిపెట్టినా ఆశ్చర్యం లేద‌ని ట్రేడ్ వ‌ర్గాలు అంటున్నాయి. 'య‌శోద‌' విష‌యంలో ఏం జ‌ర‌గ‌నుంద‌న్న‌ది తెలియాలంటే న‌వంబ‌ర్ 11 వ‌ర‌కు వేచి చూడాల్సిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.