'కోబ్రా' తెలుగు మార్కెట్‌ పరిస్థితి ఏంటీ?

తెలుగు లో విక్రమ్‌ నటించిన పలు సినిమాలు డబ్‌ అయ్యి మంచి విజయాలను సొంతం చేసుకున్నాయి. దాంతో ఆయన నటించిన ప్రతి సినిమాను కూడా తెలుగు లో భారీ ఎత్తున డబ్‌ చేయడం మొదలు పెట్టారు. అయితే అదంతా గతం అన్నట్లుగా పరిస్థితి మారింది. గత కొన్ని సంవత్సరాలుగా విక్రమ్‌ నటించిన సినిమాలేవి కూడా తెలుగు లో మినిమం అయినా వసూళ్లు సాధించలేక పోతున్నాయి.

తమిళ్‌ లో విడుదల అయ్యి విజయాన్ని సొంతం చేసుకున్న విక్రమ్‌ సినిమా లు తెలుగు లో బాక్సాఫీస్‌ వద్ద సత్తా చాటలేక పోయాయి. అయినా కూడా ఆయన సినిమాలు తెలుగు లో విడుదలకు ప్రయత్నాలు జరుగుతూనే ఉన్నాయి. తమిళ్ లో భారీ క్రేజ్ ఉన్న 'కోబ్రా' ను తెలుగులో అదే టైటిల్ తో విడుదల చేసేందుకు ప్రయత్నాలు చేస్తున్నారు. ఒక వైపు అక్కడ భారీ క్రేజ్ ఉండగా ఇక్కడ మాత్రం పెద్దగా పట్టించుకుంటున్న దాఖలాలు కనిపించడం లేదు.

కోబ్రా ని తెలుగు లో భారీ ఎత్తున విడుదల చేయాలనే ఉద్దేశ్యంతో అక్కడ ఇక్కడ కలిసి వచ్చే విధంగా ఆగస్టు 31వ తారీకున విడుదల చేయబోతున్నారు. కానీ తెలుగు రాష్ట్రాల్లో కోబ్రా సినిమాకు పెద్దగా బజ్‌ క్రియేట్‌ అవ్వలేదు. దాంతో తెలుగు లో ఈ సినిమా కనీసం ప్రీ రిలీజ్ బిజినెస్ చేయలేక పోతుంది అంటూ సినీ వర్గాల్లో చర్చ జరుగుతోంది.

ఈ సినిమా లో విక్రమ్‌ విభిన్నమైన గెటప్స్ లో మరో అపరిచితుడు రేంజ్ లో ఉండబోతున్నాడు అనిపిస్తుంది. సినిమా కు ఇప్పుడు క్రేజ్ లేకున్నా కూడా విడుదల తర్వాత కచ్చితంగా కోబ్రా ను తెలుగు ప్రేక్షకులు ఆధరిస్తారు అనే నమ్మకంతో మేకర్స్‌ మొండి ధైర్యంతో విడుదలకు సిద్ధం అవుతున్నారు.

తెలుగు లో పెద్దగా పోటీ లేక పోవడంతో కోబ్రా సినిమా మినిమం టాక్ దక్కించుకున్న కూడా గౌరవ ప్రదమైన వసూళ్లను సాధించే అవకాశం ఉందని సినీ విశ్లేషకులు అభిప్రాయం వ్యక్తం చేస్తున్నారు.