అల్లు అర్జున్‌ బర్త్‌ డేకు 'పుష్ప' గిప్ట్‌ ఏంటో?

అల్లు అర్జున్‌ ప్రస్తుతం పుష్ప సినిమాలో నటిస్తున్న విషయం తెల్సిందే. సుకుమార్‌ దర్శకత్వంలో రూపొందుతున్న ఈ సినిమా నుండి ఇప్పటికే ఫస్ట్‌ లుక్ తో పాటు పలు పోస్టర్ లు వచ్చేశాయి. కనుక వచ్చే నెలలో బన్నీ బర్త్‌ డే సందర్బంగా రాబోతున్నది ఏమై ఉంటుందా అంటూ అంతా ఆసక్తిగా ఎదురు చూస్తున్నారు. పుష్ప షూటింగ్‌ దాదాపుగా సగం వరకు పూర్తి అయ్యిందనే టాక్ వినిపిస్తుంది. కనుక సినిమా నుండి టీజర్ ను కాని కనీసం బన్నీ పాత్రకు సంబంధించిన చిన్న వీడియో బిట్ ను కాని విడుదల చేసే అవకాశాలు ఉన్నాయంటూ ఇండస్ట్రీ వర్గాల వారిలో చర్చ జరుగుతోంది.

అల వైకుంఠపురంలో వంటి బిగ్గెస్ట్‌ హిట్‌ తర్వాత బన్నీ చేస్తున్న సినిమా పుష్ప. దీనికి సుకుమార్‌ దర్శకత్వం వహించడం వల్ల అంచనాలు రెట్టింపు అయ్యాయి. అద్బుతంగా సినిమా ఉంటుందని ఇప్పటికే వచ్చిన ఫస్ట్‌ లుక్‌ పోస్టర్‌ చెప్పకనే చెబుతోంది. బన్నీ బర్త్‌ డే అంటే ఏప్రిల్‌ 8న రాబోతున్న పుష్ప స్పెషల్‌ సర్‌ ప్రైజ్ తో సినిమాపై మరింతగా అంచనాలు పెరిగే అవకాశం ఉందంటున్నారు. సుకుమార్‌ ఇప్పటికే బన్నీ బర్త్‌ డే కు సంబంధించిన ప్లానింగ్‌ లో ఉన్నాడనే వార్తలు వస్తున్నాయి. ఒకటి రెండు రోజుల్లోనే బన్నీ బర్త్‌ డే కు పుష్ప నుండి రాబోతున్న గిఫ్ట్‌ ఏంటీ అనే విషయమై క్లారిటీ వచ్చే అవకాశాలు ఉన్నాయి. బన్నీ అభిమానులు ఎంతో ఆసక్తిగా ఆ అప్‌డేట్‌ కోసం వెయిట్‌ చేస్తున్నారు. రష్మిక మందన్నా హీరోయిన్‌ గా నటిస్తున్న ఈ సినిమాలో బాలీవుడ్‌ బ్యూటీ ఐటెం సాంగ్‌ చేయబోతుందని టాక్ వినిపిస్తోంది.