ఫ‌స్టాఫ్ అలా సెకండాఫ్ ఇలా కార‌ణ‌మేంటి?

అఖండ లాంటి బ్లాక్ బ‌స్ట‌ర్ త‌ర్వాత నందమూరి బాలకృష్ణ న‌టించిన 'వీరసింహారెడ్డి' సంక్రాంతి పందెంలో విడుద‌లైన సంగ‌తి తెలిసిందే. ఈ చిత్రం ప్రపంచవ్యాప్తంగా భారీ ఓపెనింగ్స్ సాధించింది. బాలకృష్ణ కెరీర్ లో అత్యధిక ఓపెనింగ్స్ సాధించింద‌ని ట్రేడ్ చెబుతోంది.

ఈ విజ‌యానికి ఆనందం వ్య‌క్తం చేస్తూ చిత్ర దర్శకుడు గోపీచంద్ మలినేని మీడియాతో ముచ్చటించారు. నిజానికి ఈ సినిమాలో బాల‌య్య‌బాబు లుక్ కి ప్ర‌శంస‌లు ద‌క్కాయి. బాలకృష్ణ గారి లుక్ ని తమ టీమ్ పూర్తి శ్రద్ధతో డిజైన్ చేసిందని దాని కోసం ఎంత కష్టపడ్డారో వివరించారు.

బాలకృష్ణగారికి నేను పెద్ద అభిమానిని అని ఎప్పుడూ చెబుతుంటాను. "ఆయ‌న ఇప్ప‌టికీ చాలా అందంగా ఉన్నారు. అతని లుక్ డిజైన్ చేయడంలో చాలా జాగ్రత్తలు తీసుకున్నాను. నల్ల చొక్కా ఇప్పటికీ అతని ఐకానిక్ స్టిల్ గా మారింది. నల్ల చొక్కా గాగుల్స్ నేడు ట్రెండ్ సెట్ట‌ర్ గా మారాయి" అని గోపీచంద్ వెల్లడించారు.

నాకు రామ్ - లక్ష్మణ్ మాస్టర్స్ తో మంచి అనుబంధం ఉంది. వారు క్రాక్ లోని అన్ని పోరాటాలకు పనిచేశారు. బాలకృష్ణ గారి పల్స్ వారికి తెలుసు. వారు యాక్షన్ పార్ట్ ని ఒక సన్నివేశంలా డిజైన్ చేస్తారు. ఎమోషన్ మిస్ కాకుండా చూసుకుంటారు. యాక్షన్ పార్ట్ కి ఇంత రెస్పాన్స్ రావడానికి కారణం అదేన‌ని తెలిపారు.

సెకండాఫ్ లో ఎమోషనల్ గా ఉండాలనే ఉద్దేశ్యంతో తీసుకున్న నిర్ణయం అని కూడా చెప్పాడు. ఫస్ట్ హాఫ్ ని ఫ్యాన్ గా ఫ్యాన్స్ కోసం తీసినా.. సెకండాఫ్ ని డైరెక్టర్ గా ఫ్యామిలీ ఆడియెన్ ని దృష్టిలో ఉంచుకుని చేశాను. ఈరోజు సెకండాఫ్ లోని సిస్టర్‌ సెంటిమెంట్‌ కుటుంబీకుల హృదయాలను హత్తుకోవడంతో ఫ్యామిలీ ఆడియన్స్‌ నుంచి ఇంత భారీ రెస్పాన్స్ రావ‌డానికి కార‌ణ‌మైంద‌ని తెలిపారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.