బుట్టబొమ్మకు ఆ పాత్ర ఎలాంటి గుర్తింపు తెచ్చిపెడుతుందో..!

మెగాస్టార్ చిరంజీవి - మెగా పవర్ స్టార్ రామ్ చరణ్ హీరోలుగా దర్శకుడు కొరటాల శివ తెరకెక్కుస్తున్న భారీ చిత్రం ''ఆచార్య''. కొణిదెల ప్రొడక్షన్స్ సమర్పణలో మాట్నీ ఎంటర్‌టైన్మెంట్స్ బ్యానర్ పై నిరంజన్ రెడ్డి ఈ చిత్రాన్ని నిర్మిస్తున్నారు. ఇందులో చిరంజీవికి జోడీగా కాజల్ అగర్వాల్.. చరణ్ సరసన పూజాహెగ్డే నటిస్తున్నారు. రెజీనా కసండ్రా ఓ స్పెషల్ సాంగ్ లో కనిపించనుంది. ఇప్పటికే మెజారిటీ భాగం షూటింగ్ జరుపుకున్న ఈ సినిమా కరోనా విజృంభన కారణంగా నిలిచిపోయింది. అయితే ఈ చిత్రంలో పూజా హెగ్డే పాత్రకు సంబంధించిన ఓ ఇంట్రెస్టింగ్ న్యూస్ చక్కర్లు వినిపిస్తోంది.

'ఆచార్య' సినిమాలో పూజా హెగ్డే పాత్ర ప్లాష్ బ్యాక్ ఎపిసోడ్ లో వస్తుందని.. 15 - 20 నిమిషాల పాటు ఉంటుందని.. చరణ్ తో కలిసి ఓ సాంగ్ లో కనిపిస్తుందని టాక్ నడుస్తోంది. నిడివి తక్కువ ఉన్నా పూజా పాత్ర చాలా కీలకమని తెలుస్తోంది. ఇప్పటికే తన పాత్రకు సంబంధించిన షూటింగ్ పూర్తి చేసింది. టాలీవుడ్ లో స్టార్ హీరోయిన్ గా కొనసాగుతున్న బుట్టబొమ్మకు 'ఆచార్య' సినిమా ఎలాంటి గుర్తింపు తెచ్చిపెడుతుందో చూడాలి. కాగా, చిరంజీవి - చరణ్ కలిసి నటిస్తున్న ఈ సినిమాపై భారీ అంచనాలు నెలకొన్నాయి. కొరటాల శివ గత చిత్రాల తరహాలోనే సామాజిక అంశానికి కమర్షియల్ హంగులు జోడించి ఈ చిత్రాన్ని రూపొందిస్తున్నారు. మే 13న 'ఆచార్య' చిత్రాన్ని రిలీజ్ చేస్తామని ప్రకటించినప్పటికీ కోవిడ్ నేపథ్యంలో వాయిదా పడనుంది.