యూర‌ప్ కి టాలీవుడ్ ప‌లాయ‌నం

వేస‌వి వ‌డ‌గాల్పులు ప‌రుగులు పెట్టిస్తున్నాయ్‌. హైద‌రాబాద్ మునుప‌టితో పోలిస్తే అగ్గి రాజుకుంటోంది. ప్ర‌తియేటా ఇక్క‌డ టెంప‌రేచ‌ర్ పెరుగుతోందే కానీ త‌గ్గ‌డం లేదు. కార‌ణం ఏదైనా ఇలాంటి స‌న్నివేశంలో టాలీవుడ్ స్టార్లు రిలాక్స‌వ్వాలంటే ఏం చేయాలి? సీత‌ల దేశాల‌కు వెళ్లిపోవాలి. అందుకే మ‌న స్టార్లు అంతా యూర‌ప్ ట్రిప్ కి జంప్ అయిపోయారు. ప్ర‌స్తుతం యూరప్ వెకేష‌న్ లో చిలౌట్ చేస్తున్న స్టార్లు ఎవ‌రెవ‌రు? అన్న‌ది ప‌రిశీలిస్తే ఇంట్రెస్టింగ్ సంగ‌తులే తెలుస్తున్నాయి.

గ‌త కొంత‌కాలంగా మ‌న స్టార్లు పోర్చుగ‌ల్.. ఫ్రాన్స్ లాంటి యూర‌ప్ దేశాల్లో చిలౌట్ చేయ‌డం చ‌ర్చ‌కు వ‌చ్చింది. `మ‌న్మ‌ధుడు 2` టీమ్ పోర్చుగ‌ల్‌ (యూర‌ప్) లో షూటింగ్ చేస్తున్న సంగ‌తి తెలిసిందే. అక్క‌డే కింగ్ నాగార్జున - ర‌కుల్ ప్రీత్- రాహుల్ ర‌వీంద్ర‌న్ టీమ్ చిత్రీక‌ర‌ణ‌లో పూర్తి బిజీగా ఉన్నారు. నాగార్జున - ర‌కుల్ రెగ్యుల‌ర్ గా లోక‌ల్ జిమ్ముల్లో జిమ్ చేస్తూ ఆ ఫోటోల్ని సామాజిక మాధ్య‌మాల్లో రివీల్ చేయ‌డం చ‌ర్చ‌కు వ‌చ్చింది. వీళ్ల‌తో ఈ గ్యాంగ్ లో వెన్నెల కిషోర్ జాయిన్ అయిన సంగ‌తి తెలిసిందే. అమ‌ల అక్కినేని పోర్చుగ‌ల్ విజిట్ మ‌రో బిగ్‌ షాకింగ్ స‌ర్ ప్రైజ్. కింగ్ టీమ్ తో అమ‌ల జాయిన్ అయ్యి వెకేష‌న్ ని ఎంజాయ్ చేస్తున్నారు.

ఇంత‌లోనే ఈ గ్యాంగ్ తో మంచు ల‌క్ష్మీ ప్ర‌స‌న్న జాయిన్ అవ్వ‌డంతో పార్టీ పీక్స్ కి చేరుకుంది. సీరియ‌స్ గా షూటింగ్ చేసుకుంటున్న మ‌న్మ‌ధుడు గ్యాంగ్ తో క‌లిసి ల‌క్ష్మీ మంచు ర‌చ్చ తాజాగా ఓ వీడియో రూపంలో రివీలైంది. కింగ్ .. ర‌కుల్ తో ల‌క్ష్మి ఫ‌న్ మామూలుగా లేదు. మంచు ల‌క్ష్మి- ర‌కుల్ ప్రీత్ ఇద్ద‌రూ క్లోజ్ ఫ్రెండ్స్ అన్న సంగ‌తి తెలిసిందే. ఈ జ్ఞాప‌కాల్ని `మన్మ‌ధుడు డైరీస్` అంటూ ప్ర‌తిదీ కెమెరాల్లో బంధించి రాహుల్ ర‌వీంద్ర‌న్ ప‌దిల‌ప‌రుచుకుంటున్నారు. మ‌న్మ‌ధుడు టీమ్ కి కింగ్ స్వ‌యంగా పోర్చుగ‌ల్ లో పార్టీ ఎరేంజ్ చేశార‌ట‌. ఇక ఈ టీమ్ తో పార్టీని ఎంజాయ్ చేశాక ల‌క్ష్మీ మంచు పోర్చుగ‌ల్ లో ర‌క‌ర‌కాల లొకేష‌న్ల‌లో ట్రిప్ ని ఎంజాయ్ చేస్తార‌ట‌.

ఈ గ్యాంగ్ వ్య‌వ‌హారం ఇలా ఉంటే.. సూప‌ర్ స్టార్ మ‌హేష్ ఫ్యామిలీ .. బంధుమిత్రులతో క‌లిసి ఫ్రాన్స్ వెకేష‌న్ ని జాలీగా ఎంజాయ్ చేస్తున్నారు. ఆ ఫోటోల్ని న‌మ్ర‌త స్వ‌యంగా ఇన్ స్టాగ్ర‌మ్ లో అభిమానుల‌కు షేర్ చేసిన సంగ‌తి తెలిసిందే. మ‌హేష్ - గౌతమ్- సితార & గ్యాంగ్ గ్రూప్ ఫోటోలు ఇప్ప‌టికే సామాజిక మాధ్య‌మాల్లో జోరుగా వైర‌ల్ అయ్యాయి. మ‌రోవైపు మెగా ఫ్యామిలీ నుంచి ఉపాస‌న కొణిదెల & గ్యాంగ్ యూర‌ప్ ట్రిప్ లోనే చిలౌట్ చేస్తున్నారు. గ‌త ఏడాది ఈజిప్ట్ ట్రిప్ ని ఎంజాయ్ చేసిన ఉపాస‌న ఈసారి యూర‌ప్ లో ప‌ర్య‌టిస్తున్నారు. ఇటీవ‌లే ఉపాస‌న దాదా సాహెబ్ ఫాల్కే పుర‌స్కారం అందుకున్న సంగ‌తి తెలిసిందే. ఇక ఇత‌ర స్టార్లు ఎవ‌రికి వారు సీత‌ల ప‌వ‌నాలు వీచే విదేశీ ప్ర‌యాణాల బిజీలో ఉన్నార‌ని తెలుస్తోంది. కొంద‌రు షూటింగుల ప‌ర్ప‌స్ తో వెళితే మ‌రికొంద‌రు వేస‌వి తాపానికి దూరంగా ఉండాల‌ని జాలీ ట్రిప్ లు ప్లాన్ చేస్తున్నారు.



For Video Click Here