మాస్ రాజా అంత ప‌నిచేస్తే ఫ్యాన్స్ ఏమైపోవాలి!

మాస్ మ‌హారాజా అంటే ప్ర‌త్యేక‌మైన అభిమానులున్నారు. ఆయ‌న‌కంటూ మార్కెట్ లో ఓ ఇమేజ్ ఉంది. న‌వ‌ర‌సాలు పండించ‌గ‌ల స్త‌తా ఉన్న న‌టుడు. హీరోగా రాజా ఎదిగిన వైనం న‌వ‌త‌రానికి ఓ స్ఫూర్తి. చిరంజీవి..ప‌వ‌న్ క‌ళ్యాణ్ లాంటి స్టార్ హీరోలే ర‌వితేజ ఎదుగుద‌ల‌ని..క‌ష్ట‌ప‌డే త‌త్వాన్నిచూసి బ్ర‌ద‌ర్ లా ట్రీట్ చేస్తారు. వ‌య‌సు కాస్త మీద‌ప‌డిన‌ట్లు.ముఖం ముడ‌త‌లు ప‌డిన‌ట్లు క‌నిపించినా రాజా పై అభిమానం ఏమాత్రం త‌గ్గ‌లేదు. ప్లాప్ ల‌తో ఆ మ‌ధ్య కాస్త వెనుకబ‌డినా 'క్రాక్' స‌క్సెస్ తో మ‌ళ్లీ ట్రాక్ లోకి వ‌చ్చిన‌ట్లే వ‌చ్చి మ‌ళ్లీ పాత రూట్లోకి వెళ్తున్న‌ట్లు క‌నిపిస్తున్న మాట వాస్త‌వం.

కానీ మాస్ రాజా చేతిలో విజ‌యాల‌తో సంబంధం లేకుండా ప్రాజెక్ట్ లు ఉన్నాయ‌న్న‌ది వాస్త‌వం. జూన్ 17న 'రామారావు ఆన్ డ్యూటీ' ఎక్క‌న‌నున్నాడు. ఈ సినిమా గ‌త వైఫ‌ల్యాల్ని అన్నింటిని క‌ప్పి పుచ్చేలా స‌క్సెస్ అందుకుంటుంద‌ని రాజా ఎంతో ధీమాగా ఉన్నారు. ఆ వెంట‌నే ద‌స‌రా కానుక‌గా 'ధ‌మాకా' తో ప్రేక్ష‌కుల‌ ముందుకు రానున్నారు. త్రినాధ‌రావు న‌క్కిన ద‌ర్శ‌క‌త్వంలో తెర‌కెక్కుతోన్న సినిమాపై రాజా రెట్టించిన ఉత్సాహంతో ప‌నిచేస్తున్నారు.

స‌క్సెస్ పైనా అంతే న‌మ్మ‌కంగా ఉన్నారు. పైగా త్రినాధ‌రావుకి ఇప్ప‌టివ‌ర‌కూ వైఫ‌ల్యాలు లేవు. ప‌ట్టింద‌ల్లా బంగార‌మే అవుతుంది. అదే సెంటిమెంట్ ఇప్పుడు రాజాకి వ‌ర్కౌట్ అవుతుంద‌ని టాక్ వినిపిస్తుంది. ఇంకా 'రావ‌ణాసుర‌'..'టైగ‌ర్ నాగేశ్వ‌ర‌రావు' చిత్రాల్ని కూడా సెట్స్ కి తీసుకెళ్లిన సంగ‌తి తెలిసిందే. అవి శ‌ర వేగంగా షూటింగ్ జ‌రుపుకుంటున్నాయి. ఈ ఏడాది చివ‌ర్లో గానీ..వ‌చ్చే ఏడాది ఆరంభంలో గానీ ఆ చిత్రాల‌తో ముందుకు రానున్నారు.

ఇంత బిజీగా ఉన్న మాస్ రాజాపై ఇప్పుడు ఓ ఆస‌క్తిక‌ర ప్ర‌చారం వైర‌ల్ అవుతుంది. మెగాస్టార్ చిరంజీవి క‌థానాయ‌కుడిగా న‌టిస్తోన్న సినిమాలో ర‌వితేజ ఓకీల‌క పాత్ర పోషిస్తున్నాడ‌ని..దీంతో రాజా కెరీర్ కి మ‌రో ట‌ర్నింగ్ కి ఇది నాంది అని ప్ర‌చారం సాగుతుంది. బిగ్ స్టార్స్ చిత్రాల్లో ర‌వితేజ సెకెండ్ లీడ్ చేయ‌డానికి..స‌పోర్టింగ్ రోల్స్ చేయ‌డానికి గ్రీన్ సిగ్నెల్ ఇచ్చిన‌ట్లు ప్ర‌చారం సాగుతోంది. అయితే దీనికి ఇప్ప‌ట్లో ఆస్కారం లేదు.

ర‌వితేజ ఇంకొన్నాళ్ల పాటు హీరోగా కొన‌సాగుతాడ‌ని సోర్సెస్ చెబుతున్నాయి. ర‌వితేజ కుమారుడు హీరోగా ఎంట్రీ ఇచ్చి స‌క్సెస్ అయ్యే వ‌ర‌కూ రాజా హీరోగానే కొన‌సాగుతాడ‌ని ప‌రిశ్ర‌మ వ‌ర్గాల స‌మాచారం. ర‌వితేజ‌కి స‌రైన క‌థ ప‌డితే 100 కోట్లు తెచ్చే న‌టుడ‌ని అభిమానులు సైతం ధీమాని వ్య‌క్తం చేస్తున్నారు. ర‌వితేజ ఇప్ప‌ట్లో జ‌గ‌ప‌తి బాబు..శ్రీకాంత్ లా ట‌ర్న్ తీసుకుఏఛాన్స్ అయితే లేదు.

వాళ్ల‌తో ర‌వితేజ‌కి ఎంత మాత్రం పోలిక లేదు అన్న‌ది గ్ర‌హించాల్సిన విష‌యం. చిరంజీవి తో ర‌వితేజ‌కి ఉన్న సాన్నిహిత్యం కార‌ణంగా చిరు అడ‌గాలే కానీ అన్న‌య్య చిత్రంలో ఎలాంటి వేషం వేయ‌డానికైనా ర‌వితేజ రెడీగా ఉంటారు. అన్న‌య్య స్ఫూర్తితోనే ర‌వితేజ న‌టుడిగా ఎదిగిన సంగ‌తి తెలిసిందే.