కియ‌రా మెర్రీ క్రిస్మ‌స్ స్పెష‌ల్ ఏమిటో?

కొత్త ఏడాది కొత్త జంట‌ల‌న్నీ కొత్త క‌బురు చెబుతాయ‌ని అంతా ఆశిస్తుంటే కియ‌రా మాత్రం ``మా జంట న‌టించిన షేర్ షా`` చూడండి అంటూ ప్ర‌చారం చేస్తోంది. ఈ సినిమాని క‌ల‌ర్స్ సినీప్లెక్స్ లో ఈ ఆదివారం సాయంత్రం 7.30 కు చూడాల్సిందిగా కోరుతోంది.

త‌న బోయ్ ఫ్రెండ్ సిద్ధార్థ్ మల్హోత్రాతో అద్భుత‌మైన రొమాన్స్ పండించిన ఈ మూవీ ఇటీవ‌లే విడుదలైంది. ఇందులో కియ‌రా (డింపుల్ పాత్ర‌)తో రొమాన్స్ ఓ వైపు.. బార్డ‌ర్ లో షేర్ షా వార్ మ‌రోవైపు ఆద్యంతం ర‌క్తి క‌ట్టించాయి. సైనిక‌ వీరుడు కెప్టెన్ విక్ర‌మ్ బాత్రా జీవిత క‌థ ఆధారంగా రూపొందిన చిత్ర‌మిది. సినిమాకి హిట్ టాక్ కూడా వ‌చ్చింది. అందుకే ప్ర‌చారం హోరెత్తిస్తోంది. థియేట‌ర్ల‌లో విడుద‌లైన చాలా త‌క్కువ స‌మ‌యంలోనే ఓటీటీలో ఈ మూవీ అందుబాటులోకి వ‌చ్చేస్తోంది. యూరి త‌ర‌హాలోనే క్యూరియాసిటీ పెంచిన షేర్ షా ని థియేట‌ర్ల‌లో వీక్షించ‌ని వారికి ఇది స‌ద‌వ‌కాశ‌మే.

అన్న‌ట్టు డిసెంబ‌ర్ 31 మిడ్ నైట్ సెల‌బ్రేష‌న్స్ ని కియ‌రా త‌న బోయ్ ఫ్రెండ్ తోనే ప్లాన్ చేస్తోందా? గ‌త ఏడాది జ‌న‌వ‌రి 1న ఈ జంట ఎవ‌రికి వారు సీక్రెట్ గా మాల్దీవుల్లో ప్ర‌త్య‌క్ష‌మ‌య్యారు. తిరిగి వ‌చ్చేప్పుడు క‌లిసి వ‌చ్చారు. అందుకు సంబంధించిన ఫోటోలు లీక‌వ్వ‌డంతో క‌ల‌క‌లం చెల‌రేగింది. 2021లో ప‌లువురు సెల‌బ్రిటీలు పెళ్లి బంధంతో ఒక‌ట‌య్యారు. ఏడాది చివ‌రిలో విక్కీ కౌశ‌ల్ -క‌త్రిన కైఫ్ పెళ్లి సెన్సేష‌న్ గా మారింది. ఇప్పుడు కియ‌రా-సిద్ధార్థ్ డేట్ పెళ్లి పీట‌ల వ‌ర‌కూ వెళుతుంద‌నే గుస‌గుస‌లు బాలీవుడ్ లో వేడెక్కిస్తున్నాయి. ఇక‌పోతే కియ‌రా సోష‌ల్ మీడియాల్లో వ‌ర‌స ఫోటోషూట్ల‌తో హీట్ పెంచుతున్న సంగ‌తి తెలిసిందే. తాజాగా మిరుమిట్లు గొలిపే డిజైన‌ర్ ఫోటోగ్రాఫ్ తో హాట్ టాపిక్ గా మారింది. కియ‌రా ప్ర‌స్తుతం శంక‌ర్ -రామ్ చ‌ర‌ణ్ కాంబినేష‌న్ మూవీ ఆర్.సి 15కి సంత‌కం చేసిన సంగ‌తి తెలిసిందే. ఈ ఆఫ‌ర్ కోసం ఎన్టీఆర్ మూవీని సైతం ప‌క్క‌న పెట్టేసింద‌ని క‌థ‌నాలొచ్చాయి.

A Very Merry Christmas!
Loads of love , stay safe ❤️