మామిడి పులుపును గుర్తు చేసిన అక్కినేని కోడ‌లు

లైఫ్ లో ఎప్పుడూ లేనంత ఎగ్జ‌యిటింగ్ మూవ్ మెంట్ ని ఆస్వాధిస్తోంది అక్కినేని కోడ‌లు స‌మంత‌. త‌న సినీకెరీర్ అంతా ఒకెత్తు అనుకుంటే.. ఇప్పుడు ఫ్యామిలీ మ్యాన్ 2 సిరీస్ లో త‌న న‌ట‌న మ‌రో ఎత్తు! అన్నంత గొప్ప పేరొచ్చింది.

త‌మిళ టైగ‌ర్స్ నుంచి నిర‌స‌న‌లు వ్య‌క్త‌మ‌వుతున్నా.. తీవ్ర‌వాది రాజీ పాత్ర‌లో స‌మంత న‌ట‌న‌కు గొప్ప ప్ర‌శంస‌లు కురిసాయి. బ్యాన్ ఫ్యామిలీమ్యాన్ 2.. బ్యాన్ అమెజాన్ ప్రైమ్ అంటూ ట్యాగుల్ని త‌మిళ ఈలం ప్ర‌జ‌లు వైర‌ల్ చేస్తుంటే అస‌లు ఈ సిరీస్ లో అంత మ్యాట‌ర్ ఏం ఉందో చూడాల‌న్న త‌ప‌న జ‌నంలో పెరిగిపోతోంది. వివాదంతో ప్ర‌చారం బాగా వ‌ర్క‌వుటైంది. ఫ్యామిలీ మ్యాన్ సీజ‌న్ 2 అనుకున్న‌దానికంటే పెద్ద బ్లాక్ బ‌స్ట‌ర్ అవుతోంది. రాజ్ అండ్ డీకే ద‌ర్శ‌క‌త్వ ప్ర‌తిభ‌.. సిరీస్ క‌థ‌నంలో గ్రిప్ ఓవైపు ఈ సిరీస్ కి గొప్ప‌ పేరు తెస్తే స‌మంత న‌ట‌న మనోజ్ భాజ్ పాయ్ అత్యుత్త‌మ ప్ర‌ద‌ర్శ‌న మ‌రింత వ‌న్నె తెచ్చాయి.

ఇక స‌క్సెస్ తెచ్చిన‌ ధ‌ర‌హాసం సమంత మోములో స్ప‌ష్ఠంగా క‌నిపిస్తోంది. తాజాగా స‌మంత ప్లెజెంట్ ఫోటో ఒక‌టి నెట్టింట వైర‌ల్ అవుతోంది. ఒక మామిడి చెట్టును ఆనుకుని ఉన్న క‌ళాత్మ‌క ఫామ్ హౌస్ గ‌ట్టు మీద కూచుని ఎంతో ప్లెజెంట్ గా క‌నిపిస్తోంది సామ్. ఇక ఆ ప‌చ్చ‌ని మామిడి కాయ‌ను మామిడి ఆకుల్ని క‌వ‌ర్ చేస్తూ తీసిన ఈ ఫోటో ఎంతో ముచ్చ‌ట‌గొలుపుతోంది. ఉగాది ప‌చ్చ‌డిని మామిడి పులుపును గుర్తు చేసింది సామ్. ప్ర‌స్తుతం యువ‌త‌రం లో వైర‌ల్ గా మారింది ఈ ఫోటో.

కోవిడ్ 19 దేశంలో అడుగుపెట్టిన‌ప్ప‌టి నుంచి జ‌నం ఫామ్ హౌస్ ల‌కు వెళ్లేందుకే ఆస‌క్తిగా ఉన్నారు. బ‌హుశా లాక్ డౌన్ స‌మ‌యాల్ని స‌మంత కూడా ఇలా సింపుల్ గా ఫామ్ హౌస్ కే అంకిత‌మిచ్చారేమో! అంటూ అభిమానులు భావిస్తున్నారు. మ‌రి సామ్ ఆ ఫోటో దిగిన ప్లేస్ ఎక్క‌డో చెబితే బావుంటుంది. ముఖ్యంగా మామిడి పులుపును గుర్తు చేసిన స‌మంత‌కు థాంక్స్ చెబుతున్నారంతా.