అస‌లు 'V' వెనుక ఏం జ‌రుగుతోంది?

నేచుర‌ల్ స్టార్ నాని.. సుధీర్ బాబు ప్ర‌ధాన పాత్ర‌ధారులుగా ఇంద్ర‌గంటి మోహ‌న్ కృష్ణ ద‌ర్శ‌క‌త్వంలో తెర‌కెక్కుతోన్న `V` ఈనెల 25న రిలీజ్ కు రెడీ అయిన సంగ‌తి తెలిసిందే. క‌రోనా దెబ్బ‌కు థియేట‌ర్ల బంద్ ప్ర‌భావం ఈ సినిమా స‌హా అదే తేదీన రిలీజ్ కి వ‌స్తున్న సినిమాల‌పై ప‌డింది. ఇక వీ చిత్రాన్ని ఏప్రిల్లో రిలీజ్ చేయ‌నున్నామ‌ని చిత్ర‌బృందం ప్ర‌క‌టించిన సంగ‌తి తెలిసిందే.

ఇక ఇందులో నాని డ్యూయ‌ల్ రోల్ చేస్తుండ‌గా.. అందులో ఒక‌టి నెగిటివ్ షేడ్ ఉన్న పాత్ర‌లో క‌నిపించ‌నున్నాడ‌ని ఇప్ప‌టికే ప్ర‌చారం సాగుతోంది. అయితే రిలీజ్ కు ద‌గ్గ‌ర‌వుతోన్న ఈ సినిమా ప్ర‌మోషన్ మాత్రం అంతంత మాత్రంగానే సాగుతోంది. అటు నాని త‌న సొంత సినిమాగా సోష‌ల్ మీడియాలో ప్ర‌మోట్ చేసుకుంటున్నాడు. ఈ సినిమాని త‌న భుజాల‌పైనే మోస్తున్నాన‌ని ప్ర‌చారం చేసుకుంటున్నాడు. మ‌రి నాని ప్ర‌చారంలో నిజ‌మెంతో తెలియ‌దు గానీ... అస‌లైన ప్ర‌చార బాధ్య‌త‌ల్ని మాత్రం సుధీర్ బాబు నెత్తిన వేసుకున్నాడు. టీవీ షోస్ లో పాల్గొంటూ తానొక్క‌డే ప్ర‌చారం చేస్తున్నాడు. అప్పుడ‌ప్పుడు ద‌ర్శ‌కుడు ఇంద్ర‌గంటి సుధీర్ తో క‌లిసి ప్ర‌మోట్ చేస్తున్నాడు. కానీ నాని మాత్రం ఎందుక‌నో ఆ ఇద్ద‌రి తో క‌ల‌వ‌క‌పోవ‌డంపై ర‌క‌ర‌కాల డౌట్లు వ్య‌క్త‌మ‌వుతున్నాయి. ఒక్క‌డే ఇంట్లో కూర్చోని ప్ర‌మోట్ చేయ‌డ‌మేమిటి? హీరోల మ‌ధ్య ఆధిప‌త్య పోరు సాగుతోందా? ఇంకేవైనా చికాకులు త‌లెత్తాయా? లేక సుధీర్ బాబు నాని రేంజ్ హీరో కాద‌ని అసోసియేట్ అవ్వ‌డం లేదా? ఇలా ర‌క‌ర‌కాల‌ సందేహాలు వ్య‌క్త‌మ‌వుతున్నాయి.

కార‌ణాలు ఏవైనా.. వీ లోగుట్టు మ్యాట‌ర్స్ సోష‌ల్ మీడియాలో హాట్ టాపిక్ గా మారాయి. పైగా రిలీజ్ తేదీలు మారినప్పుడు లేదా వాయిదా ప‌డిన‌ప్పుడు బాక్సాఫీస్ వ‌ద్ద స‌క్సెస్ అయిన సంద‌ర్భాలు చాలా త‌క్కువ‌. వాయిదా ప‌డ‌టం అనేది టాలీవుడ్ లో ఓ ప్లాప్ సెంటిమెంట్ గా ఎప్ప‌టి నుంచో ఉండ‌నే ఉంది. మ‌రి తాజా ప‌రిస్థితుల నేప‌థ్యంలో వీ ఆ సెంటిమెంట్ ని బ్రేక్ చేస్తుందా? లేదా ప్లాప్ అన‌వాయితీని రిపీట్ చేస్తుందా? అన్నది హాట్ టాపిక్ గా మారింది. ఈ చిత్రానికి దిల్ రాజు నిర్మాత‌గా వ్య‌వ‌హ‌రిస్తున్నారు. ఆయ‌న మాత్రం ఇంకా సీన్ లోకి రాలేదు. ప్ర‌చార బ‌రిలోకి ఆయ‌న ఎంట‌రైతే అస‌లేం జరుగుతోందో తెలిసే ఛాన్స్ ఉంది.