'ఎఫ్ 3' లో కొత్తగా ఏమి చూపిస్తారో..!

సక్సెస్ ఫుల్ డైరెక్టర్‌ అనిల్‌ రావిపూడి దర్శకత్వంలో రూపొందిన 'ఎఫ్ 2' చిత్రం ఎంతటి ఘన విజయం సాధించిందో తెలిసిందే. ఇప్పుడు 'ఎఫ్ 2' ఫ్రాంచైజీలో 'ఎఫ్ 3' సినిమాని తెరకెక్కిస్తున్నాడు అనిల్. ఇందులో 'ఎఫ్ 2' మెంబర్స్ విక్టరీ వెంకటేష్ - మెగా ప్రిన్స్ వరుణ్‌ తేజ్‌ హీరోలుగా.. తమన్నా - మెహరీన్ హీరోయిన్లుగా నటిస్తున్నారు. శ్రీ వెంకటేశ్వర క్రియేషన్స్‌ బ్యానర్‌ పై దిల్ రాజు ఈ చిత్రాన్ని నిర్మిస్తున్నారు. లాక్ డౌన్ టైమ్ లో స్టోరీని రెడీ చేసుకున్న అనిల్.. ఇటీవలే ఈ సినిమా షూటింగ్ ప్రారంభించి శరవేగంగా షూట్ చేస్తున్నాడు. అయితే ఈ సినిమా నేపథ్యం డబ్బు చుట్టూనే తిరుగుతుందని తెలుస్తోంది. ఇప్పటికే విడుదలైన ప్రచార చిత్రాలు ఈ విషయాన్ని వెల్లడించాయి.

అనిల్ రావిపూడి ఫన్‌ అండ్ ఫ్రస్టేషన్‌ కి ఫైనాన్స్ ని జత చేసి మోర్ ఫన్ క్రియేట్ చేస్తున్నారని తెలుస్తోంది. డ‌బ్బులు వల్ల ఫ్యామిలీలో వచ్చే గొడ‌వ‌ల్ని ఫన్నీ
గా చూపించ‌బోతున్నారు. అయితే ఫ్యామిలీలో డ‌బ్బు తెచ్చే క‌ష్టాల్ని ఇప్ప‌టివ‌రకు అనేకమంది దర్శకులు చూపించారు. మరి ఇప్పుడు 'ఎఫ్ 3'లో ఏ విధంగా చూపిస్తారో చూడాలి. మూడింతల వినోదంతో రాబోతున్న 'ఎఫ్ 3' చిత్రానికి రాక్ స్టార్ దేవిశ్రీ ప్రసాద్ సంగీతం అందిస్తున్నాడు. ఇందులో బొమన్ ఇరానీ - సునీల్ కీలక పాత్రల్లో కనిపించనున్నారు. ఆగస్టు 27న 'ఎఫ్ 3' చిత్రాన్ని ప్రేక్షకుల ముందుకు తీసుకొస్తున్నట్లు మేకర్స్ ప్రకటించారు.