ఇన్నాళ్లు ఇంత టాలెంట్ ఎక్కడ దాచావ్ గీతా?

రష్మిక మందాడా.. వరుస సినిమాలతో దూసుకెళ్లిపోతోంది. అమ్మాయిలో అందం కంటే కూడా అదృష్టమే ఎక్కువన్న మాట పలువురి నోట వినిపిస్తూ ఉంటుంది. ఇటీవల ఆమె నటించిన సరిలేరు నీకెవ్వరు సినిమాలో మహేశ్ ముందు కాస్త తేలిపోయింది. దీనికి తోడు సినిమా లో క్యారెక్టర్ ఆమె ఇమేజ్ ను పెంచలేదనే చెప్పాలి. మహేశ్ బాబు లాంటి అగ్ర హీరోతో నటించినా.. రష్మికకు వచ్చిన మైలేజీ తక్కువనే చెప్పాలి.

అయితే.. హిట్ సినిమా ఆమె ఖాతాలో పడటం తో పాటు.. మరిన్ని అవకాశాల్ని తెచ్చేలా చేసింది.తాజాగా ఆమె నితిన్ తో జతకట్టిన భీష్మ త్వరలో ప్రేక్షకుల ముందుకు రానుంది. ఈ సినిమాకు సంబంధించిన ఒక పాటను తాజాగా విడుదల చేశారు. ఇప్పటికే ఈ సినిమాకు సంబంధించిన ఫస్ట్ గ్లింప్స్.. టీజర్.. సింగిల్ యాంథమ్ సాంగ్ లు అదరగొట్టేస్తున్న వేళ.. వాటే బ్యూటీ అంటూ సాగిన మాస్ సాంగ్ ను వదిలారు.

ఇందులో నితిన్ గురించి కాసేపు పక్కన పెడితే.. రష్మిక అదరగొట్టేయటమే కాదు.. నూటికి నూట యాభై మార్కుల్ని కొట్టేసింది. లుక్స్ పరంగా ఇప్పటి వరకూ లేనంత గ్లామర్ గా కనిపించటమే కాదు.. ఈ పాటకు ఆమె వేసిన స్టెప్పులు చూస్తే.. రీల్ గీతలో ఇంత టాలెంట్ ఉందా? అనుకోకుండా ఉండలేం. దీనికి తోడు అమ్మడి మేకప్ అదిరే ఉండటమే కాదు.. ఈ సినిమా చూశాక కుర్రాకారుకు నిద్ర లేకుండా చేయటం ఖాయమంటున్నారు. ఫుల్ జోష్ లో చేసిన ఈ పాటను చూస్తే.. రష్మికలో ఇన్ని యాంగిల్స్ ఉన్నాయా? అన్న భావన కలుగక మానదు. క్యూట్ లుక్స్ తో.. స్వీట్ గా చంపేసే రష్మికకు ఈ పాటను చూశాక మరింత ఫ్యాన్ ఫాలోయింగ్ పెరగటం ఖాయం.మరీ.. ఇంత క్యూట్ గా ఉంటే తట్టుకోవటం కష్టం కదా గీతా?