'సినిమాపురం' స‌స్పెన్స్ తొల‌గేది ఎప్పుడో?

`ఆహా` తెలుగు ఓటీటీ (ఓవ‌ర్ ది టాప్ కంటెంట్) ప్రాంతీయ కేట‌గిరీలో స‌క్సెస్ ఫుల్ గా దూసుకుపోతున్న సంగ‌తి తెలిసిందే. ప్రేక్ష‌కులను రంజింప‌జేసే స‌రికొత్త ఎంట‌ర్ టైనింగ్ ప్రోగ్రామ్స్ ని ప్లాన్ చేస్తూ ఓటీటీ వ్య‌వ‌స్థ‌లోనే `ఆహా` ది బెస్ట్ గా నిలబ‌డాల‌ని గ‌ట్టి ప్ర‌య‌త్నాలు చేస్తోంది. దీనిలో భాగంగా తెలుగు కంటెంట్ పై ప్ర‌త్యేకంగా దృష్టి పెట్టి ప‌ని చేస్తున్నారు. ఇప్ప‌టికే `ఆహా -2.0` లో న‌ట‌సింహా నంద‌మూరి బాల‌కృష్ణ హోస్ట్ గా సెల‌బ్రిటీ ఇంట‌ర్వ్యూల‌తో వీక్ష‌కుల‌ను ఆక‌ట్టుకుంటున్నారు. అలాగే `సినిమాపురం` అనే కొత్త ప్రోగ్రామ్ డిజైనింగ్ కూడా జ‌రుగుతోంది. ఇప్ప‌టికే బన్నీ త్వరలోనే `సినిమాపురం`తో కలుద్దామని.. అదేంటో తరువాత చెప్తానంటూ ఓ సర్ ప్రైజింగ్ వీడియోని రిలీజ్ చేసిన సంగ‌తి తెలిసిందే.

ఇందులో `సినిమా పురం` అనే గ్రామం వద్ద అల్లు అర్జున్ కార్వాన్ వచ్చి ఆగినట్లు చూపించారు. బన్నీ చెప్తున్న `సినిమా పురం` ఏమిటో అంటూ అభిమానులు ఎంతో ఆస‌క్తిగా ఎదురుచూస్తున్నారు. తాజాగా సినిమా పురంకి సంబంధించిన‌ మ‌రో వీడియోని రిలీజ్ చేసారు. ఇందులో బ‌న్నీ కార్ వ్యాన్ ఓ విచిత్ర‌మైన ఊరికి వెళ్తుంద‌ని బ‌న్నీ మేనేజ‌ర్ చెప్ప‌గా..ఆ విచిత్ర‌మైన ఊరా ఏంట‌ద‌ని బ‌న్నీ అడుగుతాడు. సినిమాపురంలో ఉన్న‌వాళ్ల‌కి సినిమాల పిచ్చి. అన్నం తిన‌కుండా ఉంటారేమో గానీ.. సినిమా చూడ‌కుండా ఉండ‌లేరు అని మేనేజ‌ర్ చెబుతాడు. ఇంత‌లో ఊరి ఎంట్ర‌న్స్ లో చెక్ పోస్ట్ ప‌డుతుంది.

బన్నీ మేనేజ‌ర్ కింద‌కి దిగి ఊరికి ముందు చెక్ పోస్ట్ ఏంట‌ని ప్ర‌శ్నించ‌గా శ‌నివారం మొద‌టి ఆట అయ్యేవ‌ర‌కూ సినిమాపురంకు సెల‌వు అని బోర్డ్ రాసిపెట్టి ఉంటుంది. ఇంత‌లో ఓ పెద్దాయ‌న చెక్ పోస్ట్ దాటి వ‌చ్చి ఇది సినిమాపురం అంటాడు. ఇంత‌లో బ‌న్నీ కార్ వ్యాన్ నుంచి మెట్లు దిగుతుంటాడు. బ‌న్నీని ఇక్క‌డ సైడ్ యాంగిల్ లో త‌గ్గేదేలే అనే రేంజులో చూపించారు. మ‌రి `సినిమాపురం` అనేది ఎలాంటి ప్రోగ్రామ్ అన్న‌ది తెలియాలంటే కొంచెం స‌మ‌యం ప‌డుతుంది. ప్ర‌స్తుతానికి స‌స్పెన్స్ లీడ్ చేస్తూ ఉన్న ఈ కార్య‌క్ర‌మం జ‌నాల అటెన్ష‌న్ ని డ్రా చేస్తోంది.