నాన్న ఫ్యాన్స్‌ గర్వించేలా చేసింది

తమిళ స్టార్‌ హీరో విజయ్‌ అభిమానుల గురించి ప్రత్యేకంగా చెప్పనక్కర్లేదు. తమిళనాట విశేష అభిమానులను కలిగి ఉన్న విజయ్‌ చేసిన ఏ సినిమా అయినా సునాయాసంగా వంద కోట్లను చేరుతోంది. అది మామూలుగా ఉన్నా కూడా భారీగా వసూళ్లు దక్కించుకుంటూ దూసుకు పోతుంది. ఇటీవల వచ్చిన సర్కార్‌ చిత్రం విజయ్‌ అభిమానులు కాలర్‌ ఎగరేసుకునేలా చేసిన విషయం తెల్సిందే. మురుగదాస్‌ దర్శకత్వంలో వచ్చిన ఆ సినిమా రికార్డు స్థాయిలో వసూళ్లను నమోదు చేసింది. ఆ ఆనందంలో ఉన్న విజయ్‌ ఫ్యాన్స్‌ మరోసారి గర్వించే సంఘటన జరిగింది.

ఈసారి విజయ్‌ ఫ్యాన్స్‌ ఆయన కూతురు దివ్య సాషా యాక్ట్‌ వల్ల గర్విస్తున్నారు. చెన్నైలోని అమెరికన్‌ ఇంటర్నేషనల్‌ స్కూల్‌లో చదువుతున్న సాషా తాజాగా జరిగిన బ్యాడ్మింటన్‌ టోర్నీలో సత్తా చాటింది. చెన్నై అమెరికన్‌ ఇంటర్నేషనల్‌ స్కూల్‌ కు చెందిన బ్యాడ్మింటన్‌ టీం టాప్‌ లో నిలిచింది. ఆ టీంలో సాషా సభ్యురాలు. తమ స్కూల్‌ చరిత్రలో ఈ టోర్నీ చాలా మెమరబుల్‌ అంటూ స్కూల్‌ అఫిషియల్‌ ఫేస్‌ బుక్‌ లో షేర్‌ చేయడం జరిగింది. విజయ్‌ కూతురు ఆ ఫొటోలో ఉండటంతో ఫ్యాన్స్‌ ఆ పోస్ట్‌ ను తెగ లైక్‌ చేయడంతో పాటు, షేర్స్‌ చేశారు. దాంతో అది కాస్త వైరల్‌ అయ్యింది. విజయ్‌ అభిమానులు సాషా ప్రతిభతో మరింతగా ఆనందాన్ని వ్యక్తం చేస్తున్నారు.

ప్రస్తుతం విజయ్‌ హీరోగా అట్లీ కుమార్‌ దర్శకత్వంలో ఒక సినిమా రూపొందుతుంది. అది క్రీడా నేపథ్యం అవ్వడం విశేషం. అది ఏ క్రీడా అనే విషయంపై క్లారిటీ రాలేదు. కాని సినిమా మాత్రం తప్పకుండా బ్లాక్‌ బస్టర్‌ సక్సెస్‌ దక్కించుకుంటుందనే నమ్మకంతో ఫ్యాన్స్‌ ఉన్నారు. ఎందుకంటే గతంలో విజయ్‌, అట్లీల కాంబినేషన్‌ లో వచ్చిన సినిమాలు మంచి విజయాన్ని సొంతం చేసుకున్నాయి.