ఇంతకీ బాలయ్య వారసుడు వచ్చేదెప్పుడు ?

టాలీవుడ్ సీనియర్ హీరోల్లో నందమూరి బాలకృష్ణకున్న ఫ్యాన్ బేస్ చాలా ప్రత్యేకం. ఇప్పుడు వాళ్ళ కళ్ళన్నీ తమ హీరో వారసుడు మోక్షజ్ఞ ఎప్పుడు ఎంట్రీ ఇస్తాడా అనే దాని మీదే ఉంది. ఇప్పటికే ఆలస్యమవుతోందని కొందరు అభిప్రాయపడుతుండగా మరికొందరు మాత్రం ఏ టైంలో లాంచ్ చేయాలో బాలయ్యకు తెలుసని అప్పటిదాకా వెయిట్ చేయక తప్పదని చెబుతున్నారు.

ఎవరి వెర్షన్ ఎలా ఉన్నా బయట సోషల్ లైఫ్ లో చాలా తక్కువగా కనిపించే మోక్షజ్ఞ ఫిలిం నగర్ లో ఓ కేఫ్ కి రెగ్యులర్ కస్టమరట. ఈ మేరకు ఓ ఆంగ్ల పత్రిక కథనం రాసినట్టుగా ఉన్న ఓ పేపర్ కటింగ్ సోషల్ మీడియాలో సర్కులేట్ అవుతోంది. దాని ప్రకారం మోక్షజ్ఞ తన ఫ్రెండ్స్ ను కలవడానికి రెగ్యులర్ గా దాన్నే వేదికగా చేసుకున్నాడట. అయితే ప్రైవసీ కారణాల దృష్ట్యా సదరు ఆర్టికల్ లో ఆ కేఫ్ పేరు వేయలేదని తెలిసింది

సో మోక్షజ్ఞ మన మధ్యలోనే ఉన్నాడు కాని ఎక్కువ ఎక్స్ పోజ్ కాకుండా జాగ్రత్త పడుతున్నాడన్న మాట. ఇంకో ఏడాది లేదా రెండేళ్ళ తర్వాతే కొడుకు సినిమా ప్లాన్ లో బాలయ్య ఉన్నాడని సన్నిహితుల మాట. అప్పుడెప్పుడో నిర్మాత సాయి కొర్రపాటి ఇతని కోసం రానే వచ్చాడు మా రామయ్య అనే టైటిల్ కూడా రిజిస్టర్ చేసి ఉంచాడు. అది లాప్స్ కూడా అయ్యుండొచ్చు. క్రిష్ తో డెబ్యు చేయించే ఆలోచన చేసినట్టు గతంలో టాక్ వచ్చింది కాని ఎన్టీఆర్ బయోపిక్ ఫలితం చూశాక అది ఇక అనుమానమే. సరైన కథ దర్శకుడు కుదిరితే మోక్షజ్ఞ తెరంగేట్రం ఖాయం అంటున్నారు కాని అదే ఎప్పుడు అనేది అంతు చిక్కడం లేదు