కెజిఎఫ్ ఛాప్టర్ 2 ఎప్పుడు వస్తుంది ?

గత ఏడాది అండర్ డాగ్ గా విడుదలై సైలెంట్ కిల్లర్ గా మారి ఫైనల్ గా బ్లాక్ బస్టర్ హిట్టు కొట్టిన కెజిఎఫ్ సీక్వెల్ కోసం అభిమానుల ఎదురుచూపులు ఓ రేంజ్ లో ఉన్నాయి. వచ్చే సమ్మర్ లో రిలీజ్ ఉంటుందని ఫ్యాన్స్ ఫిక్స్ అయ్యారు. కానీ షూటింగ్ జరుగుతున్న తీరు మాత్రం దానికి హామీ ఇచ్చేలా లేదు. ఇప్పటిదాకా కెజిఎఫ్ 2 కేవలం 15 శాతం మాత్రమే షూటింగ్ పూర్తి చేసుకుంది.

మెయిన్ విలన్ అధీరా పాత్రకు సంజయ్ దత్ ను ఎంచుకోవడంతో ఆయన వచ్చే యూనిట్ వెయిట్ చేయాల్సిందే. ప్రస్థానం హిందీ రీమేక్ చివరి దశ వర్క్ లో బిజీగా ఉన్న సంజు ఇంకొద్ది రోజుల్లో కెజిఎఫ్ 2 తో జాయిన్ అవుతాడు. యష్ సంజయ్ దత్ మధ్య వచ్చే సన్నివేశాలు పోరాట దృశ్యాలు మునుపెన్నడూ చూడని రేంజ్ లో ఉంటాయని యష్ హామీ ఇస్తున్నాడు . తెలుగు తమిళ్ కన్నడ హిందీ యాక్టర్లు అందరిని సమపాళ్లలో మిక్స్ చేసి దర్శకుడు ప్రశాంత్ నీల్ సీక్వెల్ రేంజ్ ని అమాంతం పెంచేశాడు.

తెలుగు నుంచి సైతం ఓ స్టార్ యాక్టర్ ని కీలక వేషం కోసం ఒప్పించే పనిలో ఉన్నట్టు ఇన్ సైడ్ టాక్. దీనికి గాను ఓ అగ్ర నిర్మాణ సంస్థ రాయబారం నడుపుతున్నట్టుగా వినికిడి . ఒకవేళ ఒప్పుకుంటే ఇప్పుడు తీసుకుంటున్న రెమ్యునరేషన్ కి ఐదింతలు ఎక్కువ ఇస్తామని చెప్పారట. మరి ఆ స్టార్ యాక్టర్ కం హీరో ఎవరో లీక్ కాకుండా జాగ్రత్త పడుతున్నారు. ఈ లెక్కన తక్కువ టైంలో కెజిఎఫ్ షూట్ పూర్తి చేసుకుని 2020 సమ్మర్ లో రావడం అనుమానమే అని బెంగుళూరు రిపోర్ట్. ఫస్ట్ పార్ట్ తరహాలో డిసెంబర్ మూడు లేదా నాలుగో వారమే బెస్ట్ అని అనుకుంటున్నారట. ఒకవేళ అదే నిజమైతే ఇంకో ఏడాది ప్లస్ 5 నెలలు వెయిట్ చేయాల్సిందే