నెక్స్ట్ సినిమా అప్ డేట్ ఎప్పుడు ఎన్టీఆర్‌?

టాలీవుడ్ లో వున్న క్రేజీ స్టార్ హీరోలంతా త‌మ నెక్స్ట్ ప్రాజెక్ట్ ల‌ని లాంఛ‌నంగా సెట్స్ పైకి తీసుకెళ్లి షూటింగ్ ని ప‌లుగులు పెట్టిస్తున్నారు. కానీ యంగ్ టైగ‌ర్ ఎన్టీఆర్ మాత్రం కూల్ గా త‌న 30వ ప్రాజెక్ట్ ప‌నుల్లో బిజీగా వున్నాడు. 'RRR'తో ఇండియా వైడ్ గా ఆక‌ట్టుకోవ‌డ‌మే కాకుండా ప్ర‌పంచ వ్యాప్తంగా సినీ ప్రియులకు అత్యంత ద‌గ్గ‌ర‌య్యాడు. ఈ మూవీతో పాన్ ఇండియా స్థార్ ల జాబితాలో చేరిపోయిన ఎన్టీఆర్ ఈ మూవీతో వ‌చ్చిన క్రేజ్ ని ప్ర‌స్తుతం ఎంజాయ్ చేస్తూ త‌న త‌దుప‌రి సినిమాకు రెడీ అవుతున్నాడు.

అయితే త‌దుప‌రి సినిమా విష‌యంలో మిగ‌తా స్టార్స్ స్పీడు చూపిస్తుంటే ఎన్టీఆర్ మాత్రం స్లోగా అడుగులు వేస్తుండ‌టం ప‌లువురికి ఆశ్చ‌ర్య‌న్ని క‌లిగిస్తోంది. 'RRR'తో బ్లాక్ బ‌స్ట‌ర్ జోష్ తో వున్న ఎన్టీఆర్ అదే ఉత్సాహంతో స్టార్ డైరెక్ట‌ర్ కొర‌టాల శివ‌తో చేయ‌బోతున్న భారీ పాన్ ఇండియా ప్రాజెక్ట్ ని పట్టాలెక్కిస్తాడ‌ని అంతా ఊహించారు. కానీ అది జ‌ర‌గ‌లేదు. వివిధ కార‌ణాల వ‌ల్ల ఈ ప్రాజెక్ట్ నెల‌ల త‌ర‌బ‌డి డిలే అవుతూ వ‌స్తోంది.

ఎన్టీఆర్ బ‌ర్త్ డే సంద‌ర్భంగా డైలాగ్ మోష‌న్ టీజ‌ర్ ని రిలీజ్ చేశారు. అప్ప‌టి నుంచి ఈ మూవీకి సంబంధించిన ఎలాంటి అప్ డేట్ అధికారికంగా బ‌య‌టికి రాలేదు.. మేక‌ర్స్ ప్ర‌క‌టించ‌లేదు.

కెమెరా మెన్ ర‌త్న‌వేలు, ప్రాజెక్ట్ డిజైన‌ర్ సాబు సిరీల్ లో క‌లిసి కొర‌టాల చ‌ర్చిస్తున్న ఫొటోల‌ని రిలీజ్ చేసి ప్రీ ప్రొడ‌క్ష‌న్ వ‌ర్క్ స్టార్టెడ్ అంటూ ప్ర‌క‌టించారు. ఎప్పుడు షూట్ మొద‌ల‌య్యేది మాత్రం వెల్ల‌డించ‌లేదు. టీమ్ నుంచి అప్ డేట్ ఎప్పుడెప్పుడు వ‌స్తుందా? అని అభిమానులు ఆస‌క్తిగా ఎదురు చూస్తున్నారు.

ఇదిలా వుంటే ఎన్టీఆర్ వ‌చ్చేవారు ఫ్యామిలీతో క‌లిసి ఎన్టీఆర్ యుఎస్ కు ప్ర‌త్యేక వెకేష‌న్ కు వెళుతున్నారని తెలిసింది. గ‌త కొన్ని రోజులుగా వ‌రుస బిజీ షెడ్యూల్ కార‌ణంగా ఫ్యామిలీ టైమ్ ని మిస్స‌యిన ఎన్టీఆర్ ప్ర‌త్యేకంగా ఫ్యామిలీ మెంబ‌ర్స్ తో క‌లిసి త‌న వ్యాల‌బుల్ టైమ్ ని స్పెండ్ చేయ‌బోతున్నార‌ట‌. తిరిగి వ‌చ్చాక కొర‌టాల ప్రాజెక్ట్ ని సెట్స్ పైకి తీసుకెళ‌తాడ‌ని చెబుతున్నారు. ఇప్ప‌టికే కొర‌టాల స్క్రిప్ట్ లాక్ చేశార‌ట‌.

ఈ మూవీ త‌రువాత ఎన్టీఆర్ ఎవ‌రితో సినిమా చేయ‌బోతున్నాడు? .. అది ఎలాంటి ప్రాజెక్ట్ అన్న‌ది ఇంకా డిక్లేర్ కాలేదు. ఎన్టీఆర్ కూడా త‌న 31వ ప్రాజెక్ట్ ఎవ‌రితో.. ఎలా వుంటుంద‌న్న విష‌యాల్ని వెల్ల‌డించ‌లేదు. దీంతో ఎన్టీఆర్ నెక్స్ట్ ప్రాజెక్ట్ ఏంటీ? .. ఎలా వుంటుంద‌న్న‌ది ఇప్ప‌డు ఆస‌క్తిక‌రంగా మారింది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.