పుష్ప' రేంజ్‌ పెంచేది వారిద్దరిలో ఎవరు?

అల్లు అర్జున్‌.. సుకుమార్ ల కాంబోలో రూపొందుతున్న పుష్ప సినిమా చిత్రీకరణ చకచక జరుగుతోంది. సినిమా ను రెండు పార్ట్‌ లుగా విడుదల చేయబోతున్నట్లుగా తెలుస్తోంది. మొదటి పార్ట్‌ షూటింగ్‌ ముగింపు దశకు వచ్చినట్లుగా తెలుస్తోంది. కరోనా సెకండ్‌ వేవ్‌ వచ్చి ఉండకుంటే దాదాపుగా సుకుమార్‌ మరో షెడ్యూల్‌ మినహా ముగించే వాడు. కాని పుష్ప సినిమా షూటింగ్‌ కరోనాతో నిలిచి పోయింది. ఇక పుష్ప సినిమా ప్రారంభించినప్పటి నుండి కూడా ఈ సినిమా లో ఐటెం సాంగ్ ను ఎవరితో సుకుమార్‌ చేయించబోతున్నాడు అనేది పెద్ద ప్రశ్నగా మారింది.

రంగస్థలం లో పూజా హెగ్డే తో ఐటెం సాంగ్‌ చేయించిన సుకుమార్‌ ఈసారి పుష్పలో అంతకు మించి అన్నట్లుగా బాలీవుడ్ ముద్దుగుమ్మను రంగంలోకి దింపబోతున్నట్లుగా వార్తలు వచ్చాయి. మొన్నటి వరకు ఊర్వశి రౌతెల ను ఐటెం సాంగ్‌ లో నటింపజేసేందుకు చర్చలు జరిగినట్లుగా వార్తలు వచ్చాయి. కాని ఇటీవల ఈ సినిమాలో ఐటెం సాంగ్‌ ను బాలీవుడ్‌ లో ప్రస్తుతం మోస్ట్‌ హ్యాపెనింగ్‌ హీరోయిన్ గా నిలిచిన ముద్దుగుమ్మ దిశా పటానితో చేయించాలని భావిస్తున్నట్లుగా వార్తలు వస్తున్నాయి.

దిశా పటాని ఇప్పటికే తెలుగులో గుర్తింపు ఉన్న హీరోయిన్‌. పైగా బాలీవుడ్‌ లో కూడా మంచి క్రేజ్ ఉన్న హీరోయిన్‌ అవ్వడం వల్ల పుష్ప సినిమా ఉత్తరాదిన మంచి బిజినెస్ చేస్తుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు. అందుకే పుష్ప సినిమా లో దిశా పటాని ని ఎంపిక చేయడం మంచి నిర్ణయం అనే అభిప్రాయంను బన్నీ అభిమానులు కూడా వ్యక్తం చేస్తున్నట్లుగా తెలుస్తోంది. మరి పుష్ప మాస్ ఐటెం సాంగ్‌ తో రేంజ్ పెంచే ఆ ఐటెం గర్ల్‌ ఎవరు అయ్యి ఉంటారు అంటూ బన్నీ అభిమానులు ఎంతో ఆసక్తిగా ఎదురు చూస్తున్నారు.