గుస‌గుస‌.. హృతిక్ తో ఎవ‌రా మిస్ట‌రీ లేడీ?

ఇన్నాళ్లు అంత‌టా సైలెన్స్ రాజ్య‌మేలింది. ఉన్న‌ట్టుండి దానికి బ్రేక్ ప‌డింది. అత‌డు ఆమె చేతిలో చెయ్యేసి ప్ర‌త్య‌క్ష‌మ‌వ్వ‌డ‌మే అందుకు కార‌ణం. స్టార్ హీరో హృతిక్ రోష‌న్ అత‌డితో ఉన్న మిస్ట‌రీ లేడీని చూశాక‌... అక్క‌డ జ‌నులంతా ఒక‌టే షాక్. ఒక‌రి చెవిలో ఒక‌రు గుస‌గుస‌లతో హీటెక్కించారు. ఇంత‌కీ ఎవ‌రా మిస్ట‌రీ లేడీ? కండ‌ల హీరో హృతిక్ తో మ‌రీ అంత స‌న్నిహితంగా క‌నిపిస్తోంది. అత‌డు త‌న లేడీ ల‌వ్ ని క‌నుగొన్నాడా? ఇలా ప‌రిప‌రివిధాలా సందేహాలు..

బాలీవుడ్ స్టార్ హీరో హృతిక్ రోషన్ త‌న‌ మిస్టరీ లేడీతో నేరుగా స్థానిక హోట‌ల్లో డిన్నర్ డేట్ లో కనిపించాడు. శుక్రవారం రాత్రి ఈ దృశ్యం క‌నిపించింది. ఇంత‌కీ ఎవ‌రామె? అంటూ అభిమానులను ర‌క‌ర‌కాల‌ ఊహాగానాల్లోకి వెళ్లిపోయారు. ప్ర‌స్తుతం ఆన్ లైన్ లో ఈ ఫోటోలు వైర‌ల్ గా మారాయి. ఈ ఫోటోలు వీడియోలు జాగ్ర‌త్త‌గా ప‌రిశీలిస్తే... హృతిక్ బాంద్రా లోని ఓ రెస్టారెంట్ నుంచి జంట‌గా వెళుతున్నాడ‌ని అర్థ‌మ‌వుతోంది. ఆ సీక్రెట్ లేడీ హృతిక్ చేతులు పట్టుకుంది. ఇద్దరూ మాస్కులు ధరించి క‌నిపించారు.

ఫోటోలు వీడియోలు ఉన్న ఇన్ స్టాగ్రామ్ పోస్ట్ లతో వ్యాఖ్యల విభాగంలో ఒక‌టే డౌట్లు రాజుకున్నాయి. అభిమానులు హృతిక్ త‌న స‌హ‌చ‌రిని గుర్తించాడ‌ని ఊహాగానాలు చేయడం ప్రారంభించారు. ఆమె `సబా ఆజాద్`.. త‌న‌తోనే హృతిక్ ఉన్నాడని చాలా మంది నిర్ధారణకు వచ్చారు. ఆమె అతని కొత్త స్నేహితురాలు..అని మరొక వ్యక్తి వ్యాఖ్యలలో అడిగాడు. అక్క‌డ స్పాట్ లో ఫోటోగ్రాఫర్ లు ఉన్నా వారిని హృతిక్ పట్టించుకోలేదని కూడా తెలుస్తోంది. అతను రెస్టారెంట్ నుండి నిష్క్రమించి తనకోసం వెయిటింగ్ లో ఉన్న‌ కారు వైపు నడిచాడు. ఆ స‌మ‌యంలో ఆ లేడీ అత‌డి చేతిని వదలకుండా త‌న‌తోనే వ‌చ్చింది. ఆమె కార్ లోపలికి వెళ్లడానికి హృతిక్ సహాయం చేసాడు. డ్రైవింగ్ చేయడానికి ముందు.. హృతిక్ కూడా అక్కడ ఉన్న ఫోటోగ్రాఫర్ ల వైపు చేయి చూపిస్తూ వెళ్లాడు.

సుసానే ఖాన్ నుండి విడిపోయిన తర్వాత హృతిక్ చాలా కాలంగా ఒంట‌రిగా క‌ల‌త‌గా ఉన్నాడు. ఎఫైర్ ఊహాగానాలకు చాలా దూరంగా ఉన్నాడు. ఇద్దరు 2000 నుండి 2014 వరకు క‌లిసి జీవించ‌గా.. వీరికి ఇద్దరు కుమారులు ఉన్నారు. హృదాన్- హ్రేహాన్ వీరి కిడ్స్. బిగ్ బాస్ మాజీ కంటెస్టెంట్ అలీ గోని బంధువు అయిన అర్స్లాన్ గోని తో హృతిక్ సంబంధం సుసానేకు తెలుసు అని కూడా పుకార్లు వచ్చాయి.

2011లో `ముఝ్ సే ఫ్రెండ్షిప్ కరోగే`లో సబా ప్రధాన పాత్రలో కనిపించింది. గత సంవత్సరం ఆమె నెట్ ఫ్లిక్స్ ఆంథాలజీ `ఫీల్స్ లైక్ ఇష్క్‌`లో ఒక విభాగంలో కూడా కనిపించింది. తదుపరి సోనీలివ్ సిరీస్ రాకెట్ బాయ్స్ లో కనిపిస్తుంది. హృతిక్ చివరిగా 2019 హిట్ యాక్షన్-థ్రిల్లర్ `వార్` లో తెరపై కనిపించాడు. అతను దీపికా పదుకొణెతో మొదటిసారిగా కలిసి పని చేసే యాక్షన్ చిత్రం `విక్రమ్ వేద` కోసం ప్రిప‌రేష‌న్ లో ఉన్నాడు. ఫైటర్ అనేది ఈ మూవీ హిందీ టైటిల్. ఈ రీమేక్ సహా అనేక ప్రాజెక్ట్ ల్లో అత‌డు న‌టించ‌నున్నాడు.