ముగ్గురిలో ఎవరు సాలిడ్ హిట్ కొడతారో..!

కరోనా లాక్ డౌన్ తర్వాత ప్రేక్షకులను ఎంటర్టైన్ చేయడానికి, ప్రతి శుక్రవారం కొత్త సినిమాలు థియేటర్లకు క్యూ కడుతున్నాయి. ఈ వారం కూడా మూడు క్రేజీ మూవీస్ తో పాటుగా ఓ సినిమా రిలీజ్ కి రెడీ అయ్యాయి. మంచు విష్ణు 'మోసగాళ్ళు' - ఆది సాయి కుమార్ 'శశి' - కార్తికేయ 'చావు కబురు చల్లగా' మరియు 'ఈ కథలో పాత్రలు కల్పితం' సినిమాలు ఈ 19న ప్రేక్షకుల ముందుకు వస్తున్నాయి. అయితే ఈ సినిమాలన్నీ ఆయా హీరోల కెరీర్ కు చాలా కీలకమైనవి కావడం గమనార్హం.

డైనమిక్ హీరో మంచు విష్ణు - కాజల్ అగర్వాల్ ప్రధాన పాత్రలతో తెరకెక్కిన ''మోసగాళ్ళు'' చిత్రానికి హాలీవుడ్ డైరెక్టర్ జెఫ్రీ గీ చిన్ దర్శకత్వం వహించాడు. ఏవీఏ ఎంటర్‌టైన్మెంట్ మరియు 24 ఫ్రేమ్స్ ఫ్యాక్టరీ బ్యానర్లపై మంచు విష్ణు ఈ మూవీని భారీ బడ్జెట్ తో నిర్మించారు. పాన్ ఇండియా స్థాయులో తెలుగు తమిళం మలయాళం కన్నడ హిందీ భాషలలో ఈ సినిమాని విడుదల చేయనున్నారు. గత కొంతకాలంగా సరైన సక్సెస్ కోసం ఎదురు చూస్తున్న విష్ణుకు ఈ సినిమా విజయం కీలకమనే చెప్పాలి. ఇప్పటికే విడుదలైన ప్రమోషనల్ కంటెంట్ సినిమాపై ఆసక్తిని కలిగించింది. మరి 'మోసగాళ్ళు' చిత్రంతో విష్ణు సక్సెస్ ట్రాక్ ఎక్కుతాడేమో చూడాలి.

ఆది సాయికుమార్ - సుర‌భి జంటగా నటిస్తోన్న లవ్ అండ్ యాక్షన్ ఎంటర్టైనర్ ''శశి''. కొత్త దర్శకుడు శ్రీ‌నివాస్ నాయుడు న‌డిక‌ట్ల తెరకెక్కిస్తున్న ఈ చిత్రాన్ని శ్రీ హ‌నుమాన్ మూవీ మేక‌ర్స్ బ్యాన‌ర్‌ పై ఆర్‌.పి.వ‌ర్మ - సి.రామాంజ‌నేయులు - చింత‌ల‌పూడి శ్రీ‌నివాస్ సంయుక్తంగా నిర్మిస్తున్నారు. సక్సెస్ కోసం పట్టు వదలని విక్రమార్కుడిలా ప్రయత్నిస్తున్న ఆదికి ఈ సినిమా కచ్చితంగా హిట్ అవ్వాల్సిన పరిస్థితి ఏర్పడింది. ట్రైలర్ మరియు 'ఒకే ఒక లోకం నువ్వే' సాంగ్స్ తో ప్రేక్షకుల్లో సినిమాపై ఇంట్రెస్ట్ క్రియేట్ చేశారు. మరి ఆదికి 'శశి' హిట్ ఇస్తుందేమో చూడాలి.

యువ హీరో కార్తికేయ - లావణ్య త్రిపాఠి కలసి నటిస్తున్న సినిమా ''చావు కబురు చల్లగా''. పెగళ్ళపాటి కౌశిక్ తెరకెక్కిస్తున్న ఈ చిత్రాన్ని అల్లు అరవింద్ సమర్పణలో గీతా ఆర్ట్స్ 2 బ్యానర్‌ పై బన్నీ వాస్ నిర్మిస్తున్నారు. 'Rx 100' తర్వాత ఆ రేంజ్ సక్సెస్ లేని కార్తికేయ కు ఈ సినిమా హిట్ అయితే నెక్స్ట్ లెవల్ కి చేరుకునే అవకాశం ఉంది. ఇప్పటికే టీజర్ ట్రైలర్ సాంగ్స్ తో ఆడియన్స్ లో ఆసక్తినని పెంచేసాడు. అలానే వెరైటీ ప్రమోషన్స్ తో బజ్ క్రియేట్ చేశారు. మరి కార్తికేయ కెరీర్ కు 'చావు కబురు..' ఏ విధంగా హెల్ప్ అవుతుందో చూడాలి.