మహేష్ ని ట్రాన్స్ లో పెడుతున్న డైరెక్టర్స్

ప్రస్తుతం స్టార్ హీరోల్లో మంచి క్రేజ్ ఉన్న హీరోల్లో సూపర్ స్టార్ మహేష్ ఒకరు. మహేష్ నుండి సినిమా వస్తుందంటే ఫ్యామిలీ అంతా థియేటర్స్ లో వాలిపోతుంటారు. అయితే ప్రస్తుతం మహేష్ చేస్తున్న సినిమాలు మాత్రం ప్రేక్షకులను పూర్తిగా మెప్పించలేకపోతున్నాయి. అవును మహేష్ సినిమాల్లో ఈ మధ్య కొన్ని లోటు పట్లు కనిపిస్తున్నాయి. కానీ అవి మహేష్ కి తెలియకుండా ఇండస్ట్రీ హిట్ ఇచ్చినట్టుగ మహేష్ మభ్య పెడుతూ వెనక భజన చేస్తున్నారు కొందరు డైరెక్టర్స్.

నిజానికి 'మహర్షి' విషయంలో అదే జరిగింది. సినిమాలో సెకండ్ హాఫ్ లో వచ్చే సన్నివేశాల్లో రైతు సంబందించిన ఎలిమెంట్ తప్ప మిగతా దంతా బోరింగే. అయితే సమ్మర్ కావడంతో మహేష్ క్రేజ్ మీద సినిమా ఆడేసింది. ఇక లేటెస్ట్ గా 'సరిలేరు నీకెవరు' కూడా అంతే. సినిమాలో సెకండ్ హాఫ్ తేడా కొట్టింది. ట్రైన్ ఎపిసోడ్ కూడా హిలేరియస్ గా ఏమి లేదు. ముఖ్యంగా క్లైమాక్స్ అందరికీ నీరసం తెప్పించింది.

అయితే ఇవన్నీ పక్కన పెట్టేసి మహేష్ కి పెద్ద హిట్ కొట్టేసాం అంటూ హ్యాపీ చేస్తున్నారు. నిజానికి ఈ సినిమా సంక్రాంతి బరిలో రెండో స్థానంలో నిలిచింది. సంక్రాంతి కి కాకుండా మిగతా రోజుల్లో అయితే సినిమాకి ఈ రేంజ్ కలెక్షన్స్ కూడా కష్టమే అయ్యేది. ఇక మహేష్ ను ఇలా మభ్య పెట్టడం మానేసి సూపర్ స్టార్ కి శ్రీమంతుడు రేంజ్ లో బ్లాక్ బస్టర్ కంటెంట్ ఇచ్చే దర్శకుడు వస్తే బాగుంటుంది.