ఇస్మార్ట్ బ్యూటీ పెళ్లి పుకార్ల వెనుక వెనకెవరున్నారు..?

టాలీవుడ్ లో ఇప్పుడిప్పుడే స్టార్ హీరోయిన్ స్టేటస్ అందుకుంటున్న అందాల భామ నిధి అగర్వాల్ పెళ్లి ముచ్చట్లు గత కొద్ది రోజులుగా సోషల్ మీడియాలో తెగ వైరల్ అవుతున్న సంగతి తెలిసిందే. కోలీవుడ్ స్టార్ హీరో శింబుతో నిధి ప్రేమలో మునిగి తేలుతోందని.. త్వరలో ఏడడుగులు వేయడానికి రెడీ అవుతున్నారని ఊహాగానాలు వినిపిస్తున్నాయి. ఈ క్రమంలో లేటెస్టుగా వీరి పెళ్ళి తేదీకి సంబంధించిన పుకార్లు కూడా పుట్టుకొచ్చాయి. శింబు - నిధి ఈ ఏడాదే మూడు మూళ్ళ బంధంతో ఒకటి కాబోతున్నారని.. త్వరలోనే తమ వివాహా తేదీని ప్రకటించనున్నారని నెట్టింట రూమర్స్ చక్కర్లు కొడుతున్నాయి.

శింబు - నిధి అగర్వాల్ జంటగా 'ఈశ్వరన్' అనే సినిమా చేసిన సంగతి తెలిసిందే. ఈ మూవీ షూటింగ్ సమయంలోనే వీరిద్దరి మధ్య ప్రేమ చిగురించిందని.. గత కొద్ది కాలంగా సహజీవనం చేస్తున్నట్లుగా సోషల్ మీడియా కోడై కూసింది. అయితే ఈ వార్తలపై ఇప్పటివరకు ఇటు నిధి గానీ అటు శింబు గానీ స్పందించలేదు. వాస్తవానికి శింబుతో నటించే ప్రతీ హీరోయిన్ కు అతనితో లింక్ చేస్తూ వార్తలు వస్తుంటాయి.

కోలీవుడ్ పే బాయ్ గా ముద్రపడిన శింబు.. ఇప్పటికే ఇద్దరు ముగ్గురు హీరోయిన్లతో ప్రేమాయణం సాగించి బ్రేకప్ చెప్పారనే టాక్ ఉంది. ఈ క్రమంలో ఇప్పుడు నిధి - శింబు మధ్య ఏదో వ్యవహారం నడుస్తోందని వార్తలు వస్తున్నాయి. అయితే ఇస్మార్ట్ బ్యూటీ ఫ్యాన్స్ మాత్రం వీటిని ఖండిస్తున్నారు. ఎవరో కావాలనే ఆమె పెళ్లి పీటలెక్కనుందని రూమర్స్ క్రియేట్ చేస్తున్నారని కామెంట్స్ చేస్తున్నారు. మరి త్వరలోనే వీరిద్దరి మధ్య రిలేషన్ షిప్ పై క్లారిటీ ఇస్తారేమో చూడాలి.

ఇకపోతే 'సవ్యసాచి' సినిమాతో టాలీవుడ్ లో అడుగుపెట్టిన నిధి అగర్వాల్.. 'ఇస్మార్ట్ శంకర్' సినిమాతో బ్లాక్ బస్టర్ హిట్ అందుకుని తెలుగు ప్రేక్షకులకు బాగా దగ్గరైంది. ఈ సినిమాతో ఒక్కసారిగా క్రేజీ హీరోయిన్ గా మారిపోయి.. ఇప్పుడు వరుస ఆఫర్తో బిజీ గా గడిపేస్తుంది. ప్రస్తుతం పవన్ కళ్యాణ్ తో 'హరి హర వీరమల్లు' అనే పాన్ ఇండియా మూవీలో నటిస్తోంది ఈ బ్యూటీ. అలానే తమిళ్ లో ఉదయనిధి స్టాలిన్‌ తో ఓ సినిమాలో హీరోయిన్ గా చేస్తోంది. ఇదే క్రమంలో ఏప్రిల్ నుంచి హిందీలో ఓ సినిమా స్టార్ట్ చేయబోతున్నట్లు సమాచారం.