మహానటి దర్శకుడు ఎవరితో ?

'మహానటి' తర్వాత ఏడాది టైం తీసుకున్న దర్శకుడు నాగ్ అశ్విన్ ఎట్టకేలకు మూడో సినిమాను పట్టాలెక్కించబోతున్నాడు. ఇటీవలే వైజయంతి బ్యానర్ లో నాగ్ అశ్విన్ సినిమా అనౌన్స్ మెంట్ వచ్చిన సంగతి తెలిసిందే. ఈ సినిమాకి రైటర్స్- టెక్నీషయన్స్ కి అవకాశం ఇవ్వనున్నట్లు ప్రకటించారు. ఇది మినహా సినిమా గురించి ఏ మాత్రం క్లూ ఇవ్వలేదు మేకర్స్.

ఎవడే సుబ్రమణ్యం తో దర్శకుడిగా మంచి పేరు తెచ్చుకున్న నాగ్ అశ్విన్ 'మహానటి'తో అందరి నుండి ప్రశంసలు అందుకొని బ్లాక్ బస్టర్ హిట్టు అందుకున్నాడు. 'మహానటి' రిలీజ్ తర్వాత చిరంజీవి స్వయంగా ఇంటికి పిలిచి మరీ నాగ్ అశ్విన్ ని, నిర్మాతలను సన్మానించారు. ఆ సందర్భంలో తన కోసం ఒక కథ సిద్ధం చేయమని చెప్పాడు చిరు. అయితే చిరు మాటలకు నాగ్ అశ్విన్ కూడా మురిసిపోయాడు తప్పకుండా సార్ అంటూ ఎగ్జైట్ అయ్యాడు.

ఆ ప్రెస్ మీట్ తర్వాత అందరూ 'సైరా' తర్వాత మెగా స్టార్ నాగ్ అశ్విన్ తో సినిమా చేస్తాడని ఊహించారు. కానీ నెక్స్ట్ కొరటాల- త్రివిక్రమ్ లను లైన్ పెట్టేసాడు చిరు. అలాగే బోయపాటి తో కూడా ఓ సినిమా ప్లాన్ చేసుకుంటున్నాడు. సో నాగ్ అశ్విన్ ఎంత పెద్ద కథ సిద్ధం చేసినా చిరు డేట్స్ ఇప్పుడే దొరకడం కష్టం. అందుకే ఈ లోపు మరో హీరోతో నెక్స్ట్ ప్రాజెక్ట్ సెట్ చేసుకున్నాడు నాగ్. ఈ సినిమాకు సంబంధించి సెప్టెంబర్ నుండి ప్రీ ప్రొడక్షన్ వర్క్ మొదలవుతుంది. డిసెంబర్ నుండి సెట్ కి వెళ్లాలని చూస్తున్నారు. సినిమాలో హీరో ఎవరన్నది ఇంకొన్ని రోజుల్లో ప్రకటిస్తారు. మరి నాగ్ అశ్విన్ మూడో సినిమాలో హీరో ఎవరన్నది తెలియాలంటే కొద్ధి రోజులు ఆగాల్సిందే.