టాలీవుడ్ నెంబర్ 1 హీరో సింహాసనం ఎవరిది?

మన టాలీవుడ్ లో నెంబర్ వన్ హీరో ఎవరు అంటే వెంటనే జవాబు చెప్పడం కష్టం. ఓ పదేళ్ళ క్రితం చిరంజీవి సినిమాలకు గ్యాప్ ఇవ్వకముందు ఇదే ప్రశ్న అడిగితే తడుముకోకుండా 'మెగాస్టార్' అని మెజారిటీ ఆడియన్స్ జవాబిచ్చేవారు. కానీ ఇప్పుడు మెగాస్టార్ లాంటి కన్సిస్టెన్సి ఈ జెనరేషన్ హీరోలలో దాదాపు ఎవరికీ లేదు. ఒకటి హిట్ అయితే మరొకటి ఫ్లాప్ అన్నట్టుగా ప్రతి స్టార్ హీరో పయనం సాగుతోంది. ఒకరు నంబర్ వన్ అని అనుకునేలోపు మరో హీరో ఆ రికార్డులను బద్దలు కొడుతున్నాడు.

అయితే మన ప్రేక్షకులు ఈ విషయంలో ఏమనుకుంటున్నారు? వారి దృష్టిలో టాలీవుడ్ నెంబర్ 1 హీరో ఎవరు అనే మేము ఒక పోల్ నిర్వహించాం. ఇందులో మన టాప్ లీగ్ స్టార్లయిన మహేష్ బాబు.. ఎన్టీఆర్.. రామ్ చరణ్..ప్రభాస్.. అల్లు అర్జున్ పేర్లను ఆప్షన్స్ గా ఇవ్వడం జరిగింది. పవన్ కళ్యాణ్ కూడా ఈ లిస్టులో ఉండాలి కానీ ఆయన ప్రస్తుతం సినిమాలకు దూరంగా ఉన్నారు కాబట్టి ఈ లిస్టులో ఆయన పేరును పొందుపరచలేదు. అంతేకాకుండా సీనియర్ స్టార్లను కూడా పోల్ లో పరిగణనలోకి తీసుకోలేదు.

ఇక ఈ పోల్ లో మొదటి స్థానంలో నిలిచి నెంబర్ 1 అనిపించుకున్నారు సూపర్ స్టార్ మహేష్ బాబు. మహేష్ బాబుకు ఈ పోల్ లో నలభై ఐదు వేలకు పైచిలుకు ఓట్లు పోలయ్యాయి. రెండవ స్థానంలో యంగ్ టైగర్ ఎన్టీఆర్.. మూడవ స్థానంలో మెగా పవర్ స్టార్ రామ్ చరణ్.. నాలుగవ స్థానం లో యంగ్ రెబెల్ స్టార్ ప్రభాస్.. చివరి స్థానంలో స్టైలిష్ స్టార్ అల్లు అర్జున్ నిలిచారు. అందరూ హీరోలకు దాదాపు 20%.. అంతకు మించి ఓట్లు పోలయ్యాయి కానీ ఈ నెంబర్ 1 రేసులో అల్లు అర్జున్ మిగతా హీరోలకు చాలా దూరంలో ఉన్నాడు. అయనకు జస్ట్ 2.13% ఓట్లు మాత్రమే పోలయ్యాయి.

ఈ పోల్ లో మన స్టార్ హీరోలకు వచ్చిన ఓట్లు ఇలా ఉన్నాయి.

మహేష్ బాబు - 45,927(28.61%)
ఎన్టీఆర్ - 40,473(25.21%)
రామ్ చరణ్ - 38,763(24.15%)
ప్రభాస్ - 31,941 (19.90%)
అల్లు అర్జున్ - 3420(2.13%)