పెద్ద‌వాడిన‌య్యా.. లెగ‌సీ ని ముందుకు న‌డిపిస్తా!

అక్కినేని లెగ‌సీని ముందుకు న‌డిపించే వారసుడు ఎవ‌రు? అన్న‌ది నిరంత‌రం అభిమానుల్లో సాగే చ‌ర్చ‌. ఏఎన్నార్ లెగ‌సీని విజ‌య‌వంతంగా న‌డిపించ‌డంలో టాలీవుడ్ పిల్ల‌ర్ గా స్థానాన్ని ప‌దిలం చేసుకోవ‌డంలో అక్కినేని నాగార్జున గొప్ప విజ‌యం సాధించారు. కెరీర్ ఆరంభం ఎన్నో ఒడిదుడుకులను ఎదుర్కొని ఆయ‌న త‌న‌ని తాను నిల‌బెట్టుకున్నారు. మ‌రి నాగార్జున వార‌సులు ఆ లెగ‌సీని ముందుకు తీసుకెళుతున్నారా? అంటూ చ‌ర్చ ఎప్పుడూ సాగుతూనే ఉంటుంది.

దీనికి స‌మాధానం విశ్లేషిస్తే... వార‌సుల ముందు ఎప్పుడూ స‌వాల్ అలానే ఉంటుంద‌నడంలో ఎలాంటి సందేహం లేదు. నాగార్జున అంత వైబ్రేంట్ స్టార్ గా నిరూపించుకోవడం అంత సులువేమీ కాదు. అది ఎంతో ఒత్తిళ్ల‌తో కూడుకున్న‌ది. అయితే అన్నిటినీ అధిగ‌మించి ఇప్పుడిప్పుడే చైతూ కెరీర్ ప‌రంగా స్థిర‌ప‌డుతున్నారు. నాగార్జున కుమారుడిగా.. అక్కినేని నాగేశ్వరరావు మనవడిగా నాగ‌చైత‌న్య తెరంగేట్రం చేసారు. ఆరంభం కొన్ని ఇబ్బందులు ఒడిదుడుకులు ఎదుర్కొన్నా.. నెమ్మ‌దిగా చైతూ తన సినిమాలతో మంచి పేరు తెచ్చుకున్నాడు. ప్రస్తుతం అత‌డు తన సొంత స్టార్ డమ్ ను కలిగి ఉన్నాడు. అతని కుటుంబ వారసత్వాన్ని విజయవంతంగా కొనసాగిస్తున్నాడు. చైతూ ఎదుగుద‌ల‌లో నాగ్ సాయం కొంత ఉంది. కానీ అన్నివేళ‌లా కానే కాదు. తన తండ్రి నాగార్జున మొదట్లో తన కెరీర్ కోసం స్క్రిప్ట్ లను పర్యవేక్షించార‌ని కానీ ఇకపై కుద‌ర‌లేదని చైతూ చెప్పాడు. మొదట్లో మా నాన్న నాకు సహాయకారిగా ఉండేవారు.. కానీ నా ప్రయాణం ముందుకు సాగుతున్నప్పుడు అతను మా సోదరుడు అఖిల్ పై దృష్టి సారించారు. నేను పెద్ద‌వాడిన‌య్యాను అని అన్నారు. త‌ప్పుల నుంచి నేర్చుకుని మాకు మేమే ఎద‌గాలి క‌దా! అన్నారు. అయితే నాన్న మాకు మార్గదర్శక శక్తిగా ఎల్లప్పుడూ ఉంటాడు అని చాయ్ తెలిపారు.

నాగ చైతన్య న‌టించిన ల‌వ్ స్టోరి సెప్టెంబర్ 24 న ప్రేక్షకుల ముందుకు రానుంది. శేఖర్ కమ్ముల ఈ చిత్రానికి దర్శకత్వం వహించారు. సాయి పల్లవి హీరోయిన్‌. ఏషియ‌న్ నారంగ్ నిర్మించారు. ఈ సినిమాతో పాటు థాంక్యూ.. బంగార్రాజు.. లాల్ సింగ్ చద్దా చిత్రాల‌లో చైత‌న్య న‌టిస్తున్నారు. మ‌రోవైపు అక్కినేని నాగార్జున రెండో వార‌సుడు అఖిల్ బ్యాక్ టు బ్యాక్ చిత్రాల‌తో బిజీ. అత‌డు న‌టించిన మోస్ట్ ఎలిజిబుల్ బ్యాచిల‌ర్ అక్టోబ‌ర్ లో విడుద‌లవుతోంది. మ‌రోవైపు ఏజెంట్ అనే స్పై కాన్సెప్ట్ థ్రిల్ల‌ర్ లోనూ అఖిల్ న‌టిస్తున్నాడు. నాగార్జున ప్ర‌వీణ్ స‌త్తారు సినిమాతో పాటు.. క‌ళ్యాణ్ కృష్ణ‌ బంగార్రాజు చిత్రంతో బిజీగా ఉన్నారు.