ఇలియానాను మేల్కొల్పిన ఆ షాడో ఎవ‌రు?

సోషల్ మీడియాలో ఇలియానా డి క్రజ్ ప్ర‌చార హంగామా గురించి తెలిసిన‌దే. నిరంత‌రం జిమ్ లో క‌స‌ర‌త్తులు చేస్తూ ఆ ఫోటోల్ని వీడియోల్ని అభిమానుల‌కు ఇన్ స్టాలో షేర్ చేస్తోంది. ఇల్లీ ర‌క‌ర‌కాల భంగిమ‌ల్లో ఫోటోలు ఇప్ప‌టికే అంత‌ర్జాలాన్ని షేక్ చేశాయి.

ఆరోగ్యకరమైన జీవనశైలిని కొనసాగించడానికి తన అభిమానులను ప్రేరేపించేందుకు ఈ ఫోటోలు వీడియోల్ని షేర్ చేస్తాన‌ని ఇల్లీ ఇదివ‌ర‌కూ వెల్ల‌డించింది.

ఇలియానా ఎప్ప‌టిక‌ప్పుడు స్పెష‌ల్ ఫోటోషూట్ల‌ను షేర్ చేసి అభిమానులను ఎంట‌ర్ టైన్ చేస్తుంటుంది. తాజాగా ఓ ఆస‌క్తిక‌ర వీడియోని ఇన్ స్టా వేదిక‌గా షేర్ చేసింది. `ఈ విధంగా మేల్కొన్నాను` అంటూ వేకువ‌ఝాము సూర్య కిర‌ణాలు త‌న ముఖాన్ని సుతారంగా తాకుతున్న ఆహ్లాద‌క‌ర‌మైన‌ వీడియోని షేర్ చేసింది. ఈ విధంగా మేల్కొన్నాను `ఎక్స్‌పెక్టేషన్ వర్సెస్ రియాలిటీ` అన్న వ్యాఖ్య‌ను జోడించింది. ఈ వీడియోలో ఇలియానా ఎంతో ప్లెజెంట్ లుక్ తో ఆక‌ర్షిస్తోంది.

కెరీర్ ప‌రంగా చూస్తే.. ఇలియానా ప్ర‌స్తుతం రణదీప్ హుడా స‌ర‌స‌న `అన్ ఫెయిర్ అండ్ ల‌వ్లీ` అనే చిత్రంలో న‌టిస్తోంది. ఇందులో త‌న అభిమానుల్ని మంత్రముగ్దులను చేసే స‌రికొత్త అవ‌తారంలో క‌నిపించ‌నుందిట‌. ఇటీవల ఓ ఇంటర్వ్యూలో రణదీప్ తో తన స్నేహం గురించి మాట్లాడింది. రణదీప్‌ ఒక వ్యక్తిగా చాలా గంభీరంగా ఉండటంపై కొంత అపోహ ఉంది. బహుశా అతను చాలా సీరియ‌స్ సినిమాలు చేయ‌డం వ‌ల్ల‌నే కావొచ్చు. అయినా అతడు అలాంటివాడు కాదు. సెట్లో చాలా సరదాగా ఉంటాడు..అని తెలిపింది. అభిషేక్ బ‌చ్చ‌న్ స‌ర‌స‌న ది బిగ్ బుల్ అనే చిత్రంలోనూ ఇలియానా న‌టిస్తోంది.