బుల్లితెర అంటేనే ఫిరంగులు విసురుతున్న న‌టి

పూన‌మ్ కౌర్ ..ప‌రిచ‌యం అవ‌స‌రం లేని పేరు ఇది. ఇటీవ‌ల ప‌లు వివాదాల్లో ఈ పేరు ప్ర‌ముఖంగా హెడ్ లైన్స్ లోకి వ‌చ్చింది. ఇక సోష‌ల్ మీడియాల్లో పూన‌మ్ నిరంత‌రం ఎంతో యాక్టివ్ గా ఉంటూ ప‌లు రాజ‌కీయ సామాజిక అంశాల‌పై స్పందిస్తున్నారు.

అయితే త‌న‌కు గిట్ట‌ని విధంగా ఎవ‌రైనా ప్ర‌చారం చేస్తే కౌంట‌ర్లు అంతే ఇదిగా ప‌డిపోతున్నాయి. ఇంత‌కుముందు బిగ్ బాస్ ప్ర‌తినిధుల్ని క‌లిసిన పూన‌మ్ అని రాంగ్ ప్ర‌చారం చేసిన కొంద‌రిని దులిపేసింది. అస‌లే నేను క‌ల‌వ‌డ‌మేంటి? వాళ్లే న‌న్ను వ‌చ్చి క‌లిసారు. చేసే ఆస‌క్తి లేద‌ని పంపేశాను! అంటూ తెలిపారు.

ఇక ఆర్కా మీడియా వాళ్లు అడిగారు కాబ‌ట్టే బుల్లితెర ప్ర‌వేశానికి ఓకే అన్నాన‌ని ఆ త‌ర్వాత వేరే చానెళ్ల వాళ్లు కాల్ చేసినా నేను చేయ‌లేనని చెప్పాన‌ని పూన‌మ్ అన‌డం కొస‌మెరుపు. త‌న స్నేహితులు కుటుంబ స‌భ్యుల‌కు చానెల్ వాళ్లు కాల్ చేస్తున్నారు! అంటూ వ‌చ్చిన క‌థ‌నాల‌పై పూన‌మ్ ఫైర్ అయ్యారు. త‌న‌కు అస‌లు టీవీ షోలు చేసే ఆలోచ‌నే లేద‌ని వార్నింగులు ఇవ్వ‌డంపై స‌ర్వ‌త్రా చ‌ర్చ‌నీయాంశ‌మైంది. స్వర్ణఖడ్గం సిరీస్ కి ఓకే చెప్ప‌డానికి ఆర్కా మీడియా అంత‌టి పెద్ద సంస్థ త‌న‌ని సంప్ర‌దించ‌డ‌మేన‌ని కూడా తెలిపారు. దీనినిబ‌ట్టి పూన‌మ్ ఇకపైనా న‌టిస్తే కేవ‌లం వెండితెర‌కు మాత్ర‌మే. బుల్లితెర రియాలిటీ షోలు వ‌గైరా త‌న‌కు న‌చ్చ‌వ‌ని అర్థ‌మైపోయిన‌ట్టే.