యాంగ్రీ స్టార్ ఎందుకు సైలెంట్ అయ్యారు?

అరవైకి దగ్గరలో ఉన్నా ఇప్పటికీ హీరోగానే కొనసాగుతున్న టాలీవుడ్ లో ఉన్న సీనియర్ హీరోలలో డా. రాజశేఖర్ ఒకరు. అప్పట్లో యాంగ్రీ యంగ్ మ్యాన్ గా ప్రేక్షకులచేత పిలిపించుకున్న రాజశేఖర్ ఈమధ్య పెద్దరికంతో 'యాంగ్రీ స్టార్' గా మారారు. అదేంటో కానీ ఈమధ్య రాజశేఖర్ సైలెంట్ అయిపోయారు.

ఈమధ్య రాజశేఖర్ కారు ప్రయాణిస్తున్న కారు యాక్సిడెంట్ కు గురికావడం.. అదృష్టవశాత్తూ ఆయన క్షేమంగా బయటపడడం అందరికీ తెలిసిందే. యాక్సిడెంట్ జరిగిన కొన్ని రోజులు అయన పేరు మీడియాలో ఒక 'వేడి అంశం'గా మారింది కానీ తర్వాత అది కూల్ టాపిక్ అయిపోయింది. అది పక్కనపెడితే యాక్సిడెంట్ తర్వాత రాజశేఖర్ సైలెంట్ అయ్యారని అంటున్నారు. ఆయన నటించే నెక్స్ట్ సినిమాకు సంబంధించిన అప్డేట్స్ ఏవీ రావడం లేదు. 'గరుడవేగ' తో ఫామ్ లోకి వచ్చినట్టు అనిపించిన రాజశేఖర్ 'కల్కి' తో ఫెయిల్యూర్ చూడాల్సి వచ్చింది. ఆ తర్వాత కొత్త సినిమా గురించి చర్చలు జరుగుతున్నాయని అన్నారు కానీ ఇప్పటివరకూ ఏదీ ఫైనలైజ్ కాలేదు.

ఇదిలా ఉంటే రాజశేఖర్ కూతుళ్ల సినిమా కెరీర్ కూడా ఆశాజనకంగా లేదు. పెద్దమ్మాయి 'శివాని' డెబ్యూ ఫిలిం '2 స్టేట్స్' రీమేక్ ఆగిపోయింది. మరో ఆఫర్ వచ్చిందో లేదో తెలియదు. చిన్నమ్మాయి శివాత్మిక 'దొరసాని' చిత్రంతో హీరోయిన్ గా పరిచయం అయింది. కానీ ఆ సినిమా ఫ్లాప్ గా నిలిచింది. శివాత్మిక నటనకు మంచి పేరే వచ్చింది. ఇప్పటికైతే ఏ ప్రాజెక్టులు ఫైనలైజ్ అయినట్టు సమాచారం లేదు. ఫ్యూచర్ లో ఏం జరుగుతుందో చూడాలి.