సూపర్ హిట్ తర్వాత స్టార్ హీరో సైలెంట్ అయ్యాడేంటి..?

దక్షిణాది అగ్ర కథానాయకుడు సూర్య నటించిన 'ఆకాశమే నీ హద్దురా' సినిమా అమెజాన్ ప్రైమ్ వీడియోలో డైరెక్ట్ ఓటీటీ పద్ధతిలో విడుదలై ప్రేక్షకాదరణ పొందిన సంగతి తెలిసిందే. 'గజిని' 'సెవెంత్ సెన్స్' 'యముడు' 'సింగం' 'సింగం 2' 'బ్రదర్స్' '24' వంటి సినిమాలతో తెలుగులో కూడా మార్కెట్ ఏర్పరచుకున్న సూర్య.. 'ఆకాశం నీ హద్దురా' సినిమాతో తెలుగు ప్రేక్షకులకు మరింత దగ్గరయ్యాడు. అయితే సక్సెస్ ఫుల్ సినిమా తర్వాత సూర్య తదుపరి ప్రాజెక్ట్ పై ఇంతవరకూ అప్ డేట్ రాలేదు.. ఏ ప్రాజెక్ట్ చేస్తున్నాడో క్లారిటీ లేదు.

అయితే సూర్య తన సొంత బ్యానర్ '2డి ఎంటర్టైన్మెంట్స్' ప్రొడక్షన్ లో చిన్న పెద్ద సినిమాలు క‌లిపి మొత్తం ప‌ది సినిమాలు నిర్మించ‌డానికి స‌న్నాహాలు చేసుకుంటున్నాడ‌ని టాక్ నడుస్తోంది. వాటిలో తాను హీరోగా నటించే సినిమాలు.. సతీమణి జ్యోతికతో తీయబోయే సినిమాలు.. వేరే హీరోలతో చేసే సినిమాలు ఉంటాయని తెలుస్తోంది. అంతేకాకుండా ఇందులో దాదాపు 6 సినిమాలు డైరెక్ట్ ఓటిటి రిలీజ్ అవ్వ‌నున్నాయట. ఇప్పటికే సూర్య తీసిన రెండు సినిమాలు ఓటీటీలో రిలీజ్ చేయడం పట్ల కోపంగా ఉన్న ఎగ్జిబిట్ల‌రు, డిస్ట్రీబ్యూట‌ర్లు.. ఇప్పుడు మరో ఆరు సినిమాలు ఓటీటీకి ఇస్తున్నాడనే వార్తలు రావడంతో అతనిపై గుర్రుగా ఉన్నారని టాక్ నడుస్తోంది.