టీజర్ రెస్పాన్స్ తర్వాత కూడా 'అఖండ' సైలెంట్ ఏంటి..??

టాలీవుడ్ మాస్ డైరెక్టర్ బోయపాటి శీను - నటసింహం బాలయ్య కాంబినేషన్ లో మూడో సినిమాగా అఖండ రూపొందుతున్న సంగతి తెలిసిందే. ఇదివరకే వీరిద్దరి కాంబినేషన్ లో సింహా, లెజెండ్ లాంటి బ్లాక్ బస్టర్స్ వచ్చి వసూళ్ల వర్షం కురిపించాయి. ఇప్పుడు హ్యాట్రిక్ సినిమాగా అఖండ వస్తుండటంతో సినిమా పై సినీ ప్రేక్షకుల అంచనాలు ఓ రేంజిలో నెలకొన్నాయి. ఇప్పటికే సినిమాకు సంబంధించి ఫస్ట్ రోర్, టీజర్ వీడియోస్ సోషల్ మీడియాలో రికార్డులు సృష్టిస్తున్నాయి. ఇటీవలే ఉగాది సందర్బంగా అఖండ టైటిల్ తో పాటు టీజర్ రిలీజ్ చేశారు మేకర్స్. నిజంగానే టీజర్ ప్రేక్షకులకు గూస్ బంప్స్ తెచ్చిందని టాక్. అలాగే ఇప్పటివరకు అఖండ టీజర్ 29మిలియన్స్ వ్యూస్ దాటి 30మిలియన్స్ వైపు పరుగులు తీస్తోంది. కేవలం విడుదలైన ఐదు రోజులలో 25మిలియన్స్ వ్యూస్ క్రాస్ చేసింది.

ఆ మిలియన్స్ నెంబర్ చూస్తేనే అర్థమైపోతుంది సినిమా కోసం నందమూరి ఫ్యాన్స్ ఎంతలా ఎదురు చూస్తున్నారో. అయితే ఇంతటి రేంజిలో టీజర్ రెస్పాన్స్ ఉన్నప్పటికీ చిత్రబృందం మాత్రం ఎలాంటి హడావిడి చేయడం లేదు. సినిమాను ప్రమోట్ చేసే ప్రోగ్రాంస్ కూడా ఏం ప్లాన్ చేసినట్లు కనిపించడం లేదు. అదే వేరే సినిమాలైతే మేకర్స్, యాక్టర్స్ ఓ రేంజిలో హంగామా చేసేవారు. మరి బాలయ్య టీమ్ మాత్రం ఎందుకు సైలెంట్ గా ఉందో అర్ధం కావడం లేదంటూ నేటిజన్లు, ఫ్యాన్స్ ఆలోచనలో పడ్డారు. మరి మేకర్స్ సినిమాను ఇదే ఊపులో ప్రమోట్ చేస్తే బాగుంటుందని టాక్. ఎందుకంటే రిలీజ్(మే 28)కు ఎలాగో నెల మాత్రమే ఉంది. చూడాలి మరి మేకర్స్ ఏదైనా స్పెషల్ ప్లాన్ చేశారేమో. ఈ సినిమాలో ప్రగ్యాజైస్వాల్ హీరోయిన్ కాగా మిర్యాల రవీందర్ రెడ్డి నిర్మాత. తమన్ ఈ సినిమాకు సంగీతం అందిస్తున్నాడు.