మహేష్ రాములమ్మను ఎందుకు కలుసుకుంటాడు ?

మహేష్ 26వ సినిమాగా భారీ బడ్జెట్ తో రూపొందుతున్న సరిలేరు నీకెవ్వరు షూటింగ్ ఫుల్ స్వింగ్ లో ఉంది. సంక్రాంతికి ఫిక్స్ చేసుకున్న రిలీజ్ డేట్ కాబట్టి దానికి అనుగుణంగానే ఎక్కడా గ్యాప్ రాకుండా పక్కా ప్లానింగ్ తో నిర్మాణం కొనసాగిస్తున్నారు. అనిల్ రావిపూడి దర్శకత్వంలో ప్రిన్స్ మొదటిసారి చేస్తున్న మూవీ కావడంతో ఆ రకంగానూ అంచనాలు అధికంగా ఉన్నాయి. ఇకపోతే చాలా ఏళ్ళ తర్వాత ఈ సినిమా ద్వారా రీ ఎంట్రీ ఇస్తున్న విజయశాంతి పాత్ర గురించి సస్పెన్సు ఇంకా కొనసాగుతోంది.

ఆవిడ ప్రస్తుతం హైదరాబాద్ లో జరుగుతున్న షూటింగ్ లో జాయిన్ అయ్యారు. తన రోల్ కు సంబంధించి కొన్ని లీక్స్ అయితే విశ్వసనీయ వర్గాల ద్వారా తెలుస్తున్నాయి. వాటి ప్రకారం విజయశాంతి ఇందులో రాయలసీమ నుంచి వచ్చి సిటీలో సెటిలైన ఓ అండర్ కవర్ లాంటి పాత్ర చేస్తున్నట్టు ఇన్ సైడ్ న్యూస్. ఎక్కడో కాశ్మీర్ బోర్డర్ లో ఉండే మహేష్ కు ఈవిడకు లింక్ రివీల్ అయ్యాకే స్టొరీ ముందుకు వెళ్తుందని టాక్.

బహుశా తల్లి కొడుకులు కావొచ్చని ఓ ముఖ్యమైన బాద్యత అప్పజెప్పడం కోసం అజయ్ కృష్ణ(సినిమాలో మహేష్ పేరు)ని పిలిపించి తనను ముందు సీమకు పంపించి ఆ తర్వాత విజయశాంతి ఎంట్రీ ఇచ్చేలా ప్లాన్ చేశారట. ఈ క్రమంలో వచ్చే ఎపిసోడ్స్ అన్ని మహేష్ ఫ్యాన్స్ కి మాస్ మూవీ లవర్స్ కి పండగలా ఉంటాయని వినికిడి. మహేష్ చైల్డ్ ఆర్టిస్ట్ గా ఉన్నప్పుడు విజయశాంతితో చేసిన చివరి సినిమాలో కొడుకుగానే నటించాడు. ఇప్పుడిది నిజమో కాదో తేలాలంటే ఇంకొంత కాలం వేచి చూడాలి