మ‌హేష్ మిస్సింగ్.. కార‌ణ‌మిదీ!

సూప‌ర్ స్టార్ మ‌హేష్ క‌థానాయ‌కుడిగా న‌టిస్తున్న 26వ సినిమా `స‌రిలేరు నీకెవ్వ‌రూ` ప్రారంభోత్స‌వం నేడు హైద‌రాబాద్ అన్న‌పూర్ణ స్టూడియోస్ లో ఘ‌నంగా జ‌రిగింది. ద‌ర్శ‌కేంద్రుడు కె.రాఘ‌వేంద్ర‌రావు క్లాప్ నివ్వ‌గా.. అరుంధ‌తి నిర్మాత శ్యామ్ ప్ర‌సాద్ కెమెరా స్విచ్ఛాన్ చేశారు. ప్రారంభోత్స‌వంలో కె.రాఘ‌వేంద్ర‌రావు- అనీల్ సుంక‌ర‌- దిల్ రాజు బృందం ద‌ర్శ‌కుడికి స్క్రిప్టు ప్ర‌తుల్ని అందించారు. అందాల క‌థానాయిక‌ ర‌ష్మిక మంద‌న ప్రారంభోత్స‌వంలో పాల్గొంది. అయితే ఎందరు ఈ ఓపెనింగ్ వేడుక‌లో పాల్గొన్నా ఏదో గ్లామ‌ర్ మిస్స‌య్యిందే అంటూ అభిమానుల్లో చ‌ర్చ సాగింది.

ఇంత‌కీ ఏం మిస్స‌య్యింది? అంటే సూప‌ర్ స్టార్ మ‌హేష్ మిస్స‌య్యారు. కెరియ‌ర్ 25వ సినిమా మ‌హ‌ర్షి రిజ‌ల్ట్ వ‌చ్చేసింది. ఇక 26వ సినిమా ప్రారంభోత్స‌వంలో మ‌హేష్ క‌నిపిస్తార‌ని ఘ‌ట్ట‌మ‌నేని అభిమానులు ఎంతో ఉత్సాహం క‌న‌బ‌రిచారు. భారీ ఎత్తున నేడు అన్న‌పూర్ణ స్టూడియోస్ లో జ‌రిగిన వేడుక‌కు ఎటెండ‌య్యారు. కానీ నేటి ఓపెనింగ్ కార్య‌క్ర‌మంలో మ‌హేష్ క‌నిపించ‌క‌పోవ‌డంతో అభిమానులంతా నిరాశ‌కు గుర‌య్యారు. అయితే మ‌హేష్ ఎందుకు మిస్స‌యిన‌ట్టు? విదేశీ ప‌ర్య‌ట‌న ముగించుకుని రాలేదా? అన్న‌ది అటుంచితే... అస‌లు త‌న సినిమాల‌ ముహూర్త‌పు షాట్ కి వ‌చ్చే అల‌వాటు మ‌హేష్ కి ఎప్పుడూ లేదు క‌దా! అంటూ ముచ్చ‌టించుకున్నారంతా.

26 సినిమాల ఓపెనింగుల్లో గ‌త ఏడెనిమిది ఓపెనింగుల‌కు మ‌హేష్ లేనేలేరు. అస‌లు త‌ను కావాల‌నే రావ‌డం లేదు. నేనొస్తే సినిమా ఫ్లాప్ అందుకే రాన‌ని మ‌హేష్‌ ఇదివ‌ర‌కూ ఓ ఇంట‌ర్వ్యూలో అన‌డంపైనా అప్ప‌ట్లో చ‌ర్చ సాగింది. అందుకే ఇటీవ‌ల ఏ సినిమా ఓపెనింగుకి మ‌హేష్ రావ‌డం లేదు. అంటే హిట్టు- ఫ్లాపు అన్న సెంటిమెంట్ ని మ‌హేష్ బ‌లంగా ఫీల‌వుతార‌ని భావించ‌వ‌చ్చు. సెంటిమెంట్ తోనే ఇలా చేశార‌న్న‌ది హాట్ టాపిక్ గా మారింది. నేడు స‌రిలేరు నీకెవ్వ‌రూ ఓపెనింగ్ లో మ‌హేష్ మిస్సింగ్ పై ఆస‌క్తిక‌ర చ‌ర్చ సాగుతోంది.