తార‌క్ బ‌ర్త్ డే అయినా హంగామా ఏదీ?

కొన‌సాగుతున్న కోవిడ్ మ‌హ‌మ్మారీ విల‌యం న‌డుమ సెల‌బ్రిటీలు ఎవ‌రూ వ్య‌క్తిగత ఈవెంట్ల‌కు ప్రాధాన్య‌త‌నివ్వ‌డం లేదు. నేడు (20మే) యంగ్ టైగ‌ర్ ఎన్టీఆర్ బ‌ర్త్ డే. కానీ జూనియ‌ర్ అభిమానులు ఏమాత్రం అన‌వ‌స‌ర హ‌డావుడి చేయ‌డం లేదు. దానికి కార‌ణం వారిని వారించ‌డ‌మే అందుకు కార‌ణం. కోవిడ్ గందరగోళం మధ్య పుట్టినరోజు వేడుకలు జరుపుకోవద్దని తన అభిమానులను తార‌క్ కోరారు.

తాజాగా # ఎన్టీఆర్ 30 టీమ్ ఒక ఇస్మార్ట్ పోస్ట‌ర్ ని ముద్రించి తార‌క్ కి పుట్టినరోజు శుభాకాంక్షలు తెలిపింది. యువసుధ ఆర్ట్స్ త‌ర‌పున‌ అతనికి శుభాకాంక్షలు పంపారు. తార‌క్ ఈ పోస్ట‌ర్ లో ఎంతో స్టైలిష్ గా స్మార్ట గా క‌నిపిస్తున్నారు. వైట్ చార‌ల‌ ష‌ర్ట్ కాంబినేష‌న్ లైట్ వెయిట్ జీన్స్ తో అత‌డు ఎంతో హుందాగా క‌నిపిస్తున్నారు. తార‌క్ హెయిర్ స్టైల్ చాలా ఆక‌ర్ష‌ణీయంగా క‌నిపిస్తోంది. ఇక ఆర్.ఆర్.ఆర్ కోసం తార‌క్ లుక్ మార్చారు. అదేమీ ఈ పోస్ట‌ర్ లో ఎలివేట్ కాక‌పోవ‌డం విశేషం.

ఎన్టీఆర్ 30 కొరటాల శివ ద‌ర్శ‌క‌త్వంలో తెర‌కెక్కుతున్న సంగ‌తి తెలిసిందే. త్రివిక్ర‌మ్ తో ప్రాజెక్ట్ ని వాయిదా వేసిన తార‌క్ కొర‌టాల‌కు అనూహ్యంగా గ్రీన్ సిగ్న‌ల్ ఇచ్చారు. నందమూరి తారక రామారావు ఆర్ట్స్ అధినేత క‌ళ్యాణ్ రామ్ తో క‌లిసి యువసుధ ఆర్ట్స్ సంస్థ‌లో ఈ చిత్రాన్ని నిర్మిస్తున్నారు.