సూప‌ర్ స్టార్ల అభిమానుల‌కు తీవ్ర నిరాశే..!

మ‌రో వారం రోజుల్లో సూపర్ స్టార్ కృష్ణ 78వ పుట్టినరోజు వేడుక‌ల‌కు ఘ‌ట్ట‌మ‌నేని ఫ్యాన్స్ స‌ర్వ‌స‌న్నాహ‌కాల్లో ఉన్నార‌న్న గుస‌గుస‌లు వినిపిస్తున్నాయి. ఓవైపు క‌రోనా సెకండ్ వేవ్ టెన్ష‌న్స్ వ‌ల్ల ప‌బ్లిక్ లో ఈ వేడుక‌ల్ని ప‌రిమితం చేయాల‌నే ఆలోచ‌న సాగుతోంది. ఇప్ప‌టికే ఫ్యాన్స్ సోష‌ల్ మీడియా హంగామా ప్రారంభ‌మైంది.

కానీ ఈసారి వేడుక‌లు చేయాల్సిన అవ‌స‌రం ఏమిటి? అంటే.. సూప‌ర్ స్టార్ మ‌హేష్ న‌టిస్తున్న `సర్కారు వారి పాట`కు ప్ర‌మోష‌న్ అత్యంత కీల‌కం. ఈపాటికే రావాల్సిన ఫ‌స్ట్ లుక్ రాలేదు. అందుకే మంచి అకేష‌న్ చూసి ఫస్ట్ లుక్ పోస్టర్ ను మహేష్ బాబు ఆవిష్కరించనున్నారని ప్ర‌చార‌మైంది. ఆ అకేష‌న్ ఎట్ట‌కేల‌కు రానే వ‌చ్చింది కానీ..!

మహేష్ బాబు అభిమానుల్ని ఫుల్ గా ఖుషీ చేసే బిగ్ డే ముందుంది. సెంటిమెంటు ప్ర‌కారం..కృష్ణ బ‌ర్త్ డే రోజున `సర్కారు వారి పాట` ఫస్ట్ లుక్ లాంచ్ కావాల్సి ఉంది. 2021 మే 31 న తన తండ్రి సూపర్ స్టార్ కృష్ణ పుట్టినరోజున లాంచ్ చేయాల‌ని మ‌హేష్ కూడా ప్లాన్ చేస్తున్నార‌ట‌. అయితే ఇంత‌లోనే మ‌హేష్ అభిమానుల్ని నిరాశ‌కు గురి చేసే వార్త వినాల్సి వ‌చ్చింది.

సూప‌ర్ స్టార్ కృష్ణ వీరాభిమాని.. ఫ్యామిలీ పీఆర్వో బీఏ రాజు ఆక‌స్మిక మ‌ర‌ణం అన్ని సంతోషాల‌కు బ్రేక్ వేసింది. మ‌ద్రాసు ప‌రిశ్ర‌మ‌లో కొన‌సాగుతున్న రోజుల నుంచి.. ద‌శాబ్ధాలుగా ఘ‌ట్ట‌మ‌నేని హీరోల‌ స‌క్సెస్ లో కీల‌క వ్య‌క్తి ఆయ‌న‌. వారికి ముఖ్య‌ కుటుంబ స‌భ్యుడే.. కృష్ణ‌- మ‌హేష్ అభిమానుల‌కు అత్యంత ప్రీతిపాత్రుడు కూడా. అందుకే కృష్ణ గారి బ‌హుశా బ‌ర్త్ డే వేడుక‌లు మే 31న ఎగ్జ‌యిటెడ్ గా ఉండ‌క‌పోవ‌చ్చు...!! అంటూ గుస‌గుస‌లు వినిపిస్తున్నాయి. ఒక‌వేళ స‌ర్కార్ వారి పాట ట్రీట్ ఇవ్వాల‌నుకుంటే .. సైలెంట్ గా ఎలాంటి హ‌డావుడి లేకుండా పోస్ట‌ర్ ని లాంచ్ చేసే వీలుంద‌ని భావిస్తున్నారు. అయితే దీనిపై ఇప్ప‌టివ‌ర‌కూ ప‌ర‌శురామ్ అండ్ టీమ్ నుంచి ఎలాంటి స‌మాచారం లేదు. ప్ర‌స్తుతానికి చిత్ర‌బృందం క‌రోనా బ్రేక్ లో సెల‌వుల్ని కుటుంబ స‌భ్యుల‌తోనే గ‌డిపేస్తున్నారు.