డార్లింగ్ ప్రభాస్ ఆ రెండు విషయాలను ఎందుకు దాస్తున్నాడు..?

రెబల్ స్టార్ ప్రభాస్ నటిస్తున్న 20వ సినిమా కోసం దేశవ్యాప్తంగా సినీప్రియులు ఎంతో ఆసక్తిగా ఎదురు చూస్తున్నారు. ఈ సినిమా జిల్ ఫేమ్ రాధాకృష్ణ దర్శకత్వంలో రూపొందుతుంది. సాహో లాంటి భారీ సినిమా తరువాత ఈ సినిమాలో ప్రభాస్ నటిస్తుండటంతో ఈ సినిమా పై ఫ్యాన్స్ ఆశలు కూడా భారీగానే పెట్టుకున్నారు. ఇటీవలే యూరప్ షెడ్యూల్‌ను ముగించుకున్న ఈ సినిమా పీరియాడికల్ రొమాంటిక్ ఎంటర్‌టైనర్‌గా రూపొందుతుంది. 1960 కాలం నాటి ప్రేమకథ ఆధారంగా తెరకెక్కుతున్న ఈ సినిమా ప్రేక్షకులను తప్పకుండా మెప్పించి సక్సెస్ అవుతుందని చిత్రయూనిట్ ధీమాతో ఉన్నారట. అయితే ఈ సినిమాలో టాలీవుడ్ తో పాటు బాలీవుడ్ నటులు కూడా నటిస్తుండటంతో.. పాన్ ఇండియా మూవీగా తెలుగు, తమిళ హిందీతో పాటు ఇతర బాషలలో విడుదల కానుంది.

కానీ అన్నీ ఉన్నా ఈ సినిమాకు ఇంతవరకు మ్యూజిక్ డైరెక్టర్ కన్ఫర్మ్ కాలేదు. మొదటగా ఈ సినిమాకు బాలీవుడ్ మ్యూజిక్ డైరెక్టర్ అమిత్ త్రివేది సంగీతం అందిస్తున్నట్లు వార్తలు వినిపించాయి. కానీ అందులో ఏమాత్రం నిజం లేదని.. తాజాగా ఓ ఇంటర్వ్యూలో అమిత్ త్రివేది కూడా క్లారిటీ ఇచ్చారు. ఎంతో ప్రతిష్టాత్మకంగా తెరకెక్కుతున్న ప్రభాస్ 20వ సినిమాకి సంగీతం ఎవరు అందిస్తారనే.. విషయం పై అందరిలోనూ ఆసక్తి నెలకొంది. ఇదిలా ఉండగా.. ఈ సినిమా సంగీతం విషయంలో ఓ నయా వార్త సోషల్ మీడియాలో హల్చల్ చేస్తోంది. సాహో సినిమాలాగే డిఫరెంట్ మ్యూజిక్ డైరెక్టర్లతో డిఫరెంట్ సాంగ్స్ కంపోజ్ చేయించే ఆలోచనలో దర్శకనిర్మాతలు ఉన్నట్లు సమాచారం. సాహో ఆడియో ఓ రేంజ్ లో ఊపేసింది. మరి చూడాలి ఎవరు ఎలాంటి మ్యూజిక్ ఇస్తారో.. ఇక మరో విషయం ఏంటంటే.. సినిమా టైటిల్. రెండు మూడు పేర్లు వినిపిస్తున్నా.. అందులో ఏదో ఇంతవరకు డార్లింగ్ కన్ఫర్మ్ చేయలేదు. అదొకటి ప్రేక్షకులను నిరాశకి గురిచేస్తున్న విషయం. చూడాలి త్వరలో ఏదైనా తీపి కబురు అందుతుందేమో..!