సామ్ ఎందుకు రాలేదబ్బా ?

మజిలి సమ్మర్ సీజన్ లో ఫస్ట్ హిట్ గా క్రెడిట్ తీసుకుని ఇంకా జోరు కొనసాగిస్తూనే ఉంది. ఫైనల్ రన్ ముగిశాక ఏ రేంజ్ హిట్ అనేది తేలుతుంది కాని అక్కినేని ఫ్యాన్స్ మాత్రం ఫుల్ హ్యాపీగా ఉన్నారు. సక్సెస్ కోసం రెండేళ్ళుగా చైతు చేస్తున్న నిరీక్షణ ముగింపుకు రావడమే దానికి కారణం. ఇదిలా ఉండగా ప్రేక్షకులకు థాంక్స్ చెప్పడం కోసం నిన్న మజిలి టీం చిన్న వేడుక చేసింది. యూనిట్ మొత్తం హాజరైనా సమంతా మాత్రం అందులో కనిపించలేదు.

నిజానికి సాం ఇప్పుడు ఏ షూటింగ్ లోనూ బిజీగా లేదు. ఒకవేళ ఓ బేబీ సినిమా బాలన్స్ కోసం అనుకున్నా ఈవెంట్ జరిగిన రోజు అడ్జస్ట్ చేయడం పెద్ద విషయం కాదు. అయినా సామ్ రాలేదు. ప్రీ రిలీజ్ ప్రమోషన్ లో ఆ తర్వాత జరిగిన మీడియా మీట్ లోనూ చాలా ఉత్సాహంగా ఉల్లాసంగా కనిపించిన సాం నిన్న రాకపోవడం మాత్రం వింతే. దాని గురించి ఫిలిం నగర్ రకరకాల చర్చలు నడుస్తున్నాయి

మజిలి సక్సెస్ లో సగానికి పైగా క్రెడిట్ సమంతాకే దక్కడం వల్ల ఇప్పుడు కూడా తనను ఎందుకు హై లైట్ చేయాలనే ఉద్దేశంతో కేవలం దివ్యన్షు కౌశిక్ వచ్చేలా ప్లాన్ చేశారని ఒక వర్గం వాదన. కాదు చైతు సాంలకు ఏదో చిన్న కమ్యునికేషన్ గ్యాప్ వచ్చిందని అందుకే తన స్పీచ్ లో సైతం సమంతా ప్రస్తావన రాకుండా చూసుకున్నాడని మరో వర్గం వెర్షన్. ఇది చాలదు అన్నట్టు మజిలి షూటింగ్ టైంలోనే సాంకు దివ్యాన్షు మధ్య ఏవో ఇష్యూస్ ఉన్నాయన్న వార్త ఇప్పుడు మళ్ళి రెక్కలు విప్పుకుంది. ఇప్పుడు వీటికి సమాధానం అక్కినేని జంట మాత్రమే చెప్పగలదు కాని అడిగే వారు ఏరి. మొత్తానికి తను అక్కడ లేకపోయినా తన గురించి చర్చ వచ్చేలా చెసుకున్న సమంతా నిజంగా ఘటికురాలే