ఆ విషయంలో 'ఆచార్య' అంచనాలను బీట్ చేస్తుందా..??

టాలీవుడ్ అగ్రదర్శకుడు కొరటాల శివ 'ఆచార్య' సినిమా తెరకెక్కిస్తున్న సంగతి తెలిసిందే. మెగాస్టార్ చిరంజీవి కెరీర్లో 152వ సినిమాగా రూపొందుతున్న ఆచార్యను మ్యాట్నీ ఎంటర్టైన్మెంట్, కొణిదెల ప్రొడక్షన్ సంయుక్తంగా నిర్మిస్తున్నాయి. ఈ సినిమాలో మెగాస్టార్ సరసన కాజల్ అగర్వాల్ హీరోయిన్ గా నటిస్తోంది. ప్రస్తుతం చివరిదశలో ఉన్నటువంటి ఈ సినిమా షూటింగ్ శరవేగంగా జరుపుకుంటుంది. ఈ సినిమాను మే 13న రిలీజ్ చేయనున్నారు మేకర్స్. ఐతే మెగాస్టార్ సినిమా అంటే అభిమానుల్లో అంచనాలు ఓ రేంజ్ లో ఉంటాయనే విషయం విదితమే. ప్రేక్షకుల్లో చిరంజీవి చేసే అదిరిపోయే డ్యాన్సులు, యాక్షన్ సన్నివేశాలకు క్రేజ్ మాములుగా ఉండదు. ఇప్పుడు వరుస హిట్లలో ఉన్న కొరటాల శివ దర్శకత్వంలో ఆచార్య మూవీ మరో బ్లాక్ బస్టర్ అవుతుందని ఎక్సపెక్ట్ చేస్తున్నారు.

ఐతే చాలా సంవత్సరాల తర్వాత మెగాస్టార్ చిరు - మ్యూజిక్ డైరెక్టర్ మణిశర్మల కాంబినేషన్ సెట్ అయింది. మరి వీరి కాంబినేషన్ ఇదివరకు ఎన్ని సినిమాలు వచ్చాయో అన్నికూడా మ్యూజిక్ పరంగా బిగ్గెస్ట్ హిట్స్. ఆ హిట్స్ దృష్టిలో పెట్టుకొని ఆచార్య పై కూడా మెగాఫ్యాన్స్ ఆశలు భారీగా పెట్టుకున్నారు. ఇప్పటికే 'లాహే లాహే' అనే ఫస్ట్ సింగల్ విడుదలై మంచి రెస్పాన్స్ తెచ్చుకుంది. ప్రస్తుతం ఆ పాట సోషల్ మీడియాలో బజ్ క్రియేట్ చేస్తోంది. ఐతే ఈ సినిమాలో మొత్తం 5 పాటలు ఉన్నాయట. లాహేలాహేతో పాటు చిరు - చరణ్ లపై ఓ సాంగ్, చరణ్ - పూజాహెగ్డే డ్యూయెట్ లతో పాటు ఓ బాక్గ్రౌండ్ సాంగ్.. చివరిగా ఓ ఐటమ్ సాంగ్. ఆ పాటలో గ్లామరస్ బ్యూటీ రెజినా కెసండ్రా కనిపించనుంది. తాజాగా మణిశర్మ మాట్లాడుతూ.. ఖచ్చితంగా మ్యూజిక్ పరంగా అభిమానుల అంచనాలను అందుకుంటామనే కాంఫిడెన్స్ ఉందని తెలిపారు. చూడాలి మరి ఈ ఎవర్ గ్రీన్ కాంబో ఎలాంటి కంబ్యాక్ అందుకుంటుందో!