అక్కినేని ఫ్యాన్స్‌ ఆశ‌ల్ని అఖిల్ నెర‌వేరుస్తాడా?

మెగాస్టార్ చిరంజీవి, నంద‌మూరి బాల‌కృష్ణ‌, విక్ట‌రీ వెంకటేష్.. ఈ సీనియ‌ర్ హీరోల ఫ్యాన్స్ హ్యాపీగా వున్నారు. కానీ అక్కినేని ఫ్యాన్స్ మాత్రం చాలా విచారంగా క‌నిపిస్తున్నారు. మెగాస్టార్ `గాడ్ ఫాద‌ర్‌`తో రీసెంట్ గా హిట్ ని సొంతం చేసుకుని మెగా ఫ్యాన్స్ ని ఖుషీ చేస్తే నంద‌మూరి బాల‌కృష్ణ `అఖండ‌`తో అఖండ‌మైన విజ‌యాన్ని సొంతం చేసుకుని ఒకే సినిమాతో డ‌బుల్ ట్రీట్ ని అందించి ఫ్యాన్స్ ని సర్ ప్రైజ్ చేశాడు. ఇక విక్ట‌రీ వెంక‌టేష్ `ఎఫ్ 3`తో ద‌గ్గుబాటి అభిమానులని ఫుల్ ఖుషీ చేశాడు.

అయితే కింగ్ నాగార్జున‌, నాగ‌చైతన్య మాత్రం అక్కినేని అభిమానుల‌ను తీవ్ర నిరాశ‌కు గురిచేశారు. సోగ్గాడే చిన్నినాయ‌న` త‌రువాత నాగార్జున ఆ స్థాయి స‌క్సెస్ ని అందుకోలేకపోగా బ్యాక్ టు బ్యాక్ ఫ్లాపుల‌ని సొంతం చేసుకుంటూ అక్కినేని అభిమానుల్ని క‌ల‌వ‌రానికి గురిచేస్తున్నారు. రీసెంట్ గా ద‌స‌రా బ‌రిలో `ది ఘోస్ట్‌` మూవీతో రంగంలోకి దిగిన నాగార్జున ఆశించిన విజ‌యాన్ని ద‌క్కించుకోలేక మ‌రోసారి ఫ్యాన్స్ ని తీవ్ర నిరాశ‌కు గురిచేశాడు. పోనీ నాగ‌చైత‌న్య అయినా హిట్ ఇస్తాడా అనుకుంటే `థాంక్యూ`, `లాల్ సింగ్ చ‌ద్దా` సినిమాల‌తో బ్యాక్ టు బ్యాక్ ఫ్లాపుల‌ని, డిజాస్ట‌ర్ ల‌ని ఎదుర్కొన్నాడు.

ఈ నేప‌థ్యంలో అక్కినేని అభిమానుల ఆశ‌ల‌న్నీ ఇప్ప‌డు అఖిల్ అక్కినేని పైనే వున్నాయి. మూడు ఫ్లాప్ ల త‌రువాత `మోస్ట్ ఎలిజిబుల్ బ్యాచిల‌ర్` మూవీతో స‌క్సెస్ ని సొంతం చేసుకున్న అఖిల్ ప్ర‌స్తుతం స్టైలిష్ డైరెక్ట‌ర్ సురేంద‌ర్ రెడ్డి డైరెక్ష‌న్ లో రూపొందుతున్న స్పై యాక్ష‌న్ థ్రిల్ల‌ర్ `ఏజెంట్‌` లో న‌టిస్తున్నాడు. మ‌ల‌యాళ మెగాస్టార్ మ‌మ్ముట్టి కీల‌క అతిథి పాత్ర‌లో న‌టిస్తున్నఈ మూవీ ప్ర‌స్తుతం షూటింగ్ ద‌శ‌లో వుంది.

`మోస్ట్ ఎలిజిబుల్ బ్యాచిల‌ర్` స‌క్సెస్ సాధించినా క్రెడిట్ మొత్తం పూజా హెగ్డే ఖాతాలోకే వెళ్లిపోయింది. దీంతో `ఏజెంట్`తో ఎలాగైనా బ్లాక్ బ‌స్ట‌ర్ హిట్ ని త‌న ఖాతాలో వేసుకోవాల‌ని అఖిల్ చాలా గ‌ట్టి న‌మ్మ‌కంతో వున్నాడు. ఫ్యాన్స్ కూడా ఇదే న‌మ్మ‌కాన్ని వ్య‌క్తం చేస్తున్నారు. నెట్టింట హ్యాష్ ట్యాగ్ ల‌తో వైర‌ల్ చేస్తున్నారు. కింగ్ నాగ్ ని న‌మ్ముకుంటే వ‌రుస ఫ్లాప్ లు ఇస్తూ షాకిస్తున్నాడ‌ని, నాగ‌చైత‌న్య కూడా అదే బాట ప‌ట్టి రెండు ఫ్లాపుల‌తో షాకిచ్చాడ‌ని అక్కినేని అభిమానులు వాపోతున్నారు.

ఈ నేప‌థ్యంలో ఫైన‌ల్ గా ఫ్యాన్స్ అఖిల్ `ఏజెంట్‌` పైనే న‌మ్మ‌కం పెట్టుకున్నార‌ట‌. ప్ర‌స్తుతం ఈ మూవీ క్లైమాక్స్ చిత్రీక‌ర‌ణ బ‌ళ్లారి గ‌నుల్లో జ‌రుగుతోంది. వ‌క్కంతం వంశీ ఈ మూవీకి క‌థ అందించాడు. గ‌తంలో సురేంద‌ర్ రెడ్డి, వ‌క్కంతం వంశీ కాంబినేష‌న్ లో కిక్‌, రేసు గుర్రం వంటి బ్లాక్ బ‌స్ట‌ర్ సినిమాలొచ్చాయి.

అదే కాంబినేష‌న్ లో రూపొందుతున్న `ఏజెంట్‌` ఆ సెంటిమెంట్ ని రిపీట్ చేసి బ్లాక్ బ‌స్ట‌ర్ హిట్ గా నిలుస్తుంద‌ని అక్కినేని ఫ్యాన్స్ ఆశలు పెట్టుకున్నార‌ట‌. మ‌రి వారి ఆశ‌ల్ని అఖిల్ `ఏజెంట్‌`తో ఎంత వ‌ర‌కు నెర‌వేరుస్తాడో వేచి చూడాల్సిందే. పాన్ ఇండియా మూవీగా ఐదు భాష‌ల్లో విడుద‌ల కానున్న ఈ మూవీ వ‌చ్చే ఏడాది సంక్రాంతి బ‌రిలో నిల‌వ‌బోతోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.