ఆర్ ఆర్ ఆర్ కోసం అమ్మడు డేట్స్ ఇస్తుందా ?

జూనియర్ ఎన్టీఆర్ రామ్ చరణ్ క్రేజీ కాంబోలో రూపొందుతున్న టాలీవుడ్ బిగ్గెస్ట్ మల్టీ స్టారర్ షూటింగ్ అయితే జరుగుతోంది కానీ హీరోయిన్ల సంగతే ఎటూ తేలడం లేదు. సౌత్ లో ఎవరిని అడిగినా ఎగిరి గంతేసి డేట్లు అడ్జస్ట్ చేసుకుని మరీ చేస్తారు కానీ రాజమౌళి మాత్రం ఫ్రెష్ బ్యూటీస్ కోసమే ట్రై చేస్తున్నాడు. అంటే ఇప్పటిదాకా తెలుగులో చేయని భామలన్న మాట. అందులో మొదటి పేరు రాజీ సుందరి అలియా భట్ ఉందనే టాక్ కొద్దిరోజుల క్రితమే వచ్చింది .

తన డేట్స్ కోసం జక్కన్న రకరకాలుగా ట్రై చేస్తున్నట్టు సమాచారం. తనను పరిశ్రమకు పరిచయం చేసిన దర్శకుడు కం బాహుబలి హింది వెర్షన్ నిర్మాత కరణ్ జోహార్ ద్వారా మధ్యవర్తిత్వం చేయిస్తున్నా రెస్పాన్స్ వెంటనే రావడం లేదని టాక్. దానికి కారణం లేకపోలేదు. ప్రస్తుతం అలియా భట్ బాలీవుడ్ లోనే భారీ ప్రాజెక్ట్స్ లో చిక్కుకుపోయింది. వాటికే ఈ ఏడాది మొత్తం సరిపోతోంది. ఇలాంటి పరిస్థితుల్లో ఆర్ ఆర్ ఆర్ ఎంత వదులుకూడని సినిమానే అయినప్పటికీ తక్కువ డేట్స్ తో జరిగే పని కాదు కాబట్టి అయోమయంలో ఉన్నట్టు సమాచారం.

ఇప్పటికిప్పుడు అయితే ఓకే చెప్పే అవకాశం లేదని బాలీవుడ్ టాక్.ఇది ఒక్క కరణ్ జోహార్ వల్ల మాత్రమే అవుతుందని గుర్తించిన రాజమౌళి ఫ్రెండ్ షిప్ కొద్ది అతని మీదే ఒత్తిడి పెడుతున్నాడట. ఇదే పెద్ద ప్రహసనం అనుకుంటే ఇంకా రెండో హీరొయిన్ సెలక్షన్ బాకీ ఉంది. కాకపోతే ఆ పాత్ర తాలుకు షూటింగ్ మరో మూడు నెలల తర్వాత ఉంటుంది ముందు ఈ అమ్మడిని ఒప్పిస్తే తర్వాత తన సంగతి చూడోచ్చనే ప్లాన్ లో జక్కన్న ఉన్నట్టు టాక్. కథ పరంగానే కాదు నిర్మాణపరంగా సైతం ఆర్ ఆర్ ఆర్ లో చాలా ట్విస్టులు వస్తున్నాయి