ఆ యంగ్ హీరోకి బన్నీ మూవీ స్టార్డం అందిస్తుందా..?

బాలీవుడ్‌ ఇండస్ట్రీలో తెలుగు సినిమాల రీమేక్ సందడి రాను రాను పెరుగుతూనే ఉంది. ఈ ఏడాది టాలీవుడ్ స్టైలిష్ స్టార్ అల్లు అర్జున్ - త్రివిక్రమ్ కాంబినేషన్ లో రూపొందిన 'అల వైకుంఠపురంలో' సినిమా బ్లాక్ బస్టర్ విజయం అందుకున్న విషయం తెలిసిందే. ఈ ఏడాది ఇండస్ట్రీ హిట్లలో ఒకటిగా నిలిచింది ఈ సినిమా. ఈ ఏడాది సంక్రాంతి బరిలో దిగి తెలుగులో భారీ విజయాన్ని సొంతం చేసుకుంది. అల వైకుంఠపురంలో సినిమాను హిందీలో అశ్విన్ వర్దె రీమేక్ హక్కులు దక్కించుకున్నారు. ఈ సినిమాకు దేశీ బాయ్స్, డిష్యూం సినిమాలకు దర్శకత్వం వహించిన రోహిత్ ధావన్ డైరెక్షన్ చేయబోతున్నాడు. అయితే ఈ సినిమాలో అల్లు అర్జున్ స్థానంలో కార్తీక్ ఆర్యన్‌ను సెలెక్ట్ చేసింది బృందం. దేశంలో కరోనా లాక్‌డౌన్ ఉండటంతో ఆన్లైన్ ద్వారా స్క్రిప్ట్ విని ఓకే చేసాడట ఈ యంగ్ హీరో. సినిమా చూసిన కార్తీక్ అల్లు అర్జున్ క్యారెక్టర్ బాగా నచ్చిందని చెప్పాడు.

ఈ సినిమాలలో అల్లు అర్జున్ జోరు.. డాన్స్.. ఫైట్స్.. ఇలా అన్నీ అదరగొట్టాడు. అయితే ఈ సినిమా కోసం కార్తీక్ కు దాదాపు 10కోట్ల వరకు ఆఫర్ చేశారట నిర్మాతలు. లాక్‌డౌన్ పూర్తికాగానే షూటింగ్ చేయడానికి అనుగుణంగా డేట్లు, షెడ్యూల్ వివరాలను కార్తీక్ కన్ఫర్మ్ చేస్తాడని టాక్. కార్తీక్ ఆర్యన్ ఇప్పటికే దోస్తానా2 మూవీ పూర్తిచేసాడు. భూల్ భులయ్యా2 కూడా చివరి దశలో ఉండగా.. మరో భారీ చిత్రానికి కార్తీక్ గ్రీన్ సిగ్నల్ ఇచ్చాడట. అలాగే అల వైకుంఠపురంలో షూటింగ్‌లో పాల్గొనేందుకు రెడీగా ఉన్నాడట. ఈ సినిమా నిర్మాణంలో ఏక్తా కపూర్, అల్లు అర్జున్ కూడా భాగం అయ్యారట. అన్నీ అనుకూలిస్తే వచ్చే ఏడాది ఫిబ్రవరిలో షూటింగ్ మొదలు అవుతుందని సినీవర్గాలలో వినికిడి. సక్సెస్ అయితే మాత్రం కార్తీక్ స్టార్డం అందుకోవడం ఖాయం అంటున్నాయి సినీవర్గాలు. చూడాలి మరి ఈ యంగ్ హీరో ఏం చేయనున్నాడో..!