చిరు ఈసారి ఆ సీక్రెట్ ల‌న్నీ బ‌య‌ట‌పెడతాడా?

మెగాస్టార్ చిరంజీవి న‌టించిన భారీ యాక్ష‌న్ ఎంట‌ర్ టైన‌ర్ `గాడ్ ఫాద‌ర్‌`. మ‌ల‌యాళంలో సూప‌ర్ స్టార్ మోహ‌న్ లాల్ న‌టించ‌గా హీరో పృథ్వీరాజ్ సుకుమారన్ తెర‌కెక్కించిన `లూసీఫ‌ర్‌` ఆధారంగా ఈ మూవీని రీమేక్ చేశారు. మోహ‌న్ రాజా డైరెక్ట్ చేసిన ఈ సినిమా అక్టోబ‌ర్ 5న ద‌స‌రాకు ప్రేక్ష‌కుల ముందుకు రానున్న విష‌యం తెలిసిందే. బాలీవుడ్ హీరో స‌ల్మాన్ ఖాన్ కీల‌క అతిథి పాత్ర‌లో న‌టించారు. న‌య‌న‌తార, స‌త్య‌దేవ్ కీల‌క పాత్ర‌ల్లో న‌టించిన ఈ మూవీని ఎన్వీ ప్ర‌సాద్ అత్యంత భారీ స్థాయిలో నిర్మించారు.

రీసెంట్ గానే ఈ మూవీ ప్ర‌మోష‌న్స్ మొద‌ల‌య్యాయి. తొలి సారి మెగాస్టార్ సాల్ట్ అండ్ పెప్ప‌ర్ లుక్ లో క‌నిపించ‌బోతున్నారు. ఇప్ప‌టికే విడుద‌లైన టీజ‌ర్ త‌మ‌న్ కార‌ణంగా ప్రేక్ష‌కుల‌తో పాటు అభిమానుల్ని పెద్ద‌గా ఆక‌ట్టుకోలేక‌పోయింది. ఇక ఫ‌స్ట్ సింగిల్ అయినా జోష్ నింపుతుంద‌ని భావించిన ఫ్యాన్స్ ప్ర‌భుదేవా దిమ్మ‌దిరిగే షాకిచ్చాడు. నాన్ సింక్ కంపోజింగ్ తో ఉసూరుమ‌నిపించాడు. దీంతో ప్ర‌భుదేవాని ఫ్యాన్స్ నెట్టింట ఓ రేంజ్ లో ఆడుకోవ‌డం మొద‌లు పెట్టారు.

ఎన్నో సాంగ్స్ చూశాం కానీ ఇద్ద‌రు స్టార్స్ తో ఇలాంటి స్టెప్స్ వేయించిన సాంగ్ ని, కొరియోగ్రాఫ‌ర్ ని చూడ‌లేదు అంటూ కామెంట్ ల వ‌ర్షం కురిపిస్తున్నారు. ఇదిలా వుంటే ఈ మూవీ ప్ర‌మోషన్స్ ని చిరు త్వ‌ర‌లో ప్రారంభించ‌బోతున్నారు. ఇందు కోసం మీడియా ముందుకు రాబోతున్నారు. ప్ర‌త్యేకంగా ఇంట‌ర్వ్యూల‌ని కూడా ప్లాన్ చేస్తున్నార‌ట‌. అయితే ఈ సారి మెగాస్టార్ ఫుల్ గా ఓపెన్ అప్ అయిపోయే అవ‌కాశాలు వున్నాయ‌ని వార్త‌లు వినిపిస్తున్నాయి.

రీసెంట్ గా విడుద‌లైన `ఆచార్య‌` ఫ‌లితం చిరుని షాక్ కు గురిచేసింది. ఊహించ‌ని ఫ‌లితం ఎదుర‌వడంతో మెగాస్టార్ చాలా వ‌ర‌కు తీవ్ర అసంతృప్తికి గుర‌య్యారు. సినిమా రిలీజ్ త‌రువాత ప‌లు సినిమా ఈవెంట్ ల‌లో పాల్గొన్న మెగాస్టార్ ప‌రోక్షంగా `ఆచార్య‌` ఫ్లాప్ కావ‌డంపై ద‌ర్శ‌కుడు కొర‌టాల శివ‌దే త‌ప్పు అన్న‌ట్టుగా సంచ‌ల‌న వ్యాఖ్య‌లు చేయ‌డం తెలిసిందే. ఇటీవ‌ల ఇండైరెక్ట్ గా `ఆచార్య‌` ఫ‌లితంపై స్పందించిన చిరు `గాడ్ ఫాద‌ర్‌` ప్ర‌మోష‌న్స్ లో ఖ‌చ్చితంగా `ఆచార్య ` సీక్రెట్స్ ని వెల్ల‌డించ‌డం ఖాయంగా క‌నిపిస్తోంద‌ని చెబుతున్నారు.

ఇక ఈ సినిమాపై చ‌ర‌ణ్ కూడా స్పందించే అవ‌కాశం వుంద‌ని తెలుస్తోంది. ప్ర‌త్యేకంగా చ‌ర‌ణ్ వ్యాఖ్యాత‌గా చిరుతో ప్ర‌త్యేక ఇంటర్వ్యూని ప్లాన్ చేస్తున్నార‌ట‌. ఇందులో ఖ‌చ్చితంగా `ఆచార్య‌` ప్ర‌స్థావ‌న వ‌చ్చే అవ‌కాశాలే ఎక్కువ‌గా క‌నిపిస్తున్నాయని, మ‌రోసారి చిరు `ఆచార్య‌` ఫ‌లితంపై సంచ‌ల‌న వ్యాఖ్య‌లు చేయ‌డం ఖామ‌ని ఇన్ సైడ్ టాక్‌.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.