ఎంసీఏ సెంటిమెంట్ తో శ్యామ్‌ సింగరాయ్ సక్సెస్ ఖాయం!

నాని హీరోగా నటించిన శ్యామ్‌ సింగరాయ విడుదలకు సిద్దం అయ్యింది. డిసెంబర్‌ లో క్రిస్మస్ కానుకగా రాబోతున్న ఈ సినిమా నాని కెరీర్ లోనే బిగ్గెస్ట్‌ బడ్జెట్‌ తో రూపొందినట్లుగా ఇండస్ట్రీ వర్గాల టాక్ వినిపిస్తుంది. నాని ఈ చిత్రంలో రెండు పాత్రల్లో కనిపించబోతున్నాడు. రెండు జనరేషన్‌ ల పాత్రల్లో నాని ని ఇప్పటికే టీజర్ లో చూశాం. సినిమా లో నాని బెంగాళి జర్నలిస్ట్‌ గా కనిపించబోతున్నట్లుగా తెలుస్తోంది. ఆ పాత్రకు సంబంధించిన విజువల్స్ వండర్‌ అన్నట్లుగా ఉన్నాయంటూ ప్రేక్షకులు అభిప్రాయం వ్యక్తం చేస్తున్నారు. నాని ఈ సినిమా తో తన అభిమానులతో పాటు ప్రేక్షకులకు ఒక మంచి ఎంటర్‌ టైన్‌ మెంట్‌ ను.. మంచి ఫీల్‌ ను ఇస్తాడనే నమ్మకం వ్యక్తం అవుతోంది.

ఇక ఈ సినిమా లో సాయి పల్లవి మరియు కృతి శెట్టిలు నటించడంతో సినిమా స్థాయి మరింతగా పెరిగింది. టీజర్ లో వీరిద్దరు కూడా సినిమాకు ప్రదర్శణగా నిలుస్తారనే నమ్మకం కలిగేలా షాట్స్ ఉన్నాయి. ఇక ఈ సినిమా ఖచ్చితంగా విజయం సాధిస్తుందని అభిమానులు సెంటిమెంట్‌ ను నమ్ముతున్నారు. గతంలో క్రిస్మస్ కు ఎంసీఏ సినిమా తో నాని ప్రేక్షకుల ముందుకు వచ్చాడు. నాని మరియు సాయి పల్లవి జంటగా ఆ సినిమా వచ్చింది. ఆ సినిమా సాధించిన విజయం గురించి ప్రత్యేకంగా చెప్పనక్కర్లేదు. ఇప్పుడు అదే నాని మరియు సాయి పల్లవిలు కలిసి నటించిన సినిమా శ్యామ్ సింగరాయ్ కి ఖచ్చితంగా మరో లెవల్‌ రేంజ్ వసూళ్లు దక్కుతాయనే నమ్మకం వ్యక్తం అవుతోంది.

నాని కెరీర్ లో ఇప్పటికే పలు విభిన్న పాత్రలు చేశాడు. కాని ఇలాంటి తరహా పాత్రను తాను చేయడం ఆనందంగా ఉందంటూ ఇటీవల ఒక సందర్బంగా నాని వ్యాఖ్యలు చేశాడు. సాయి పల్లవి తో పాటు కృతి శెట్టిల పాత్రలు కూడా సినిమాలో చాలా పవర్ ఫుల్ గా ఉంటాయని మేకర్స్ చెబుతున్నారు. సాయి పల్లవి తన నటనతో సినిమా స్థాయిని మరోసారి పెంచబోతుందని నమ్మకం వ్యక్తం అవుతోంది. ఇక ఈ సినిమా లో బెంగాళి సన్నివేశాలు హైలైట్ గా నిలుస్తాయని అంటున్నారు. నాని గత రెండు సినిమా లు ఓటీటీ లో రావడంతో పాటు అవి ఆశించిన స్థాయిలో ప్రేక్షకులను ఆకట్టుకోలేక పోయాయి. కనుక ఈ సినిమా ఖచ్చితంగా మంచి విజయాన్ని సొంతం చేసుకుంటాయనే నమ్మకం వ్యక్తం అవుతోంది. ట్యాక్సీ వాలా దర్శకుడు రాహుల్‌ సంకీర్త్యన్‌ ఈ సినిమాకు దర్శకత్వం వహించాడు. పునః జన్మల నేపథ్యంలో ఈ సినిమా ఉంటుందని తెలుస్తోంది.