MAA వార్.. నరేష్ ప్రెస్ మీట్ కు జీవిత రాన‌న్నారా?

మూవీ ఆర్టిస్టుల సంఘం (మా) ఎన్నిక‌లు ర‌స‌ప‌ట్టులో ప‌డిన సంగ‌తి తెలిసిందే. ఈసారి ప్ర‌కాష్ రాజ్ - విష్ణు స‌హా జీవిత‌- హేమ వంటి మ‌హిళామ‌ణులు అధ్య‌క్ష ప‌ద‌విపై క‌న్నేయ‌డంతో అది కాస్తా ఇండ‌స్ట్రీ వ‌ర్గాల్లో హాట్ టాపిక్ గా మారింది. అయితే ప్ర‌కాష్ రాజ్ ప్యానెల్ త‌ర‌పున మాట్లాడుతూ నాగ‌బాబు చేసిన వ్యాఖ్య‌కు కౌంట‌ర్ గా వీకే న‌రేష్ నేడు మీడియా స‌మావేశం ఏర్పాటు చేయ‌గా.. పాలిటిక్స్ ర‌స‌కందాయంగా మారింది. నిజానికి ఛాంబ‌ర్ లో జ‌ర‌గాల్సిన ఈ స‌మావేశం స‌డెన్ గా సూప‌ర్ స్టార్ కృష్ణ ఇంటికి షిఫ్ట‌వ్వ‌డం ఈ స‌మావేశానికి జీవిత - న‌రేష్ సంయుక్తంగా అటెండ‌వుతున్నార‌ని పుకార్లు పుట్ట‌డం వేడెక్కించింది.

అయితే కొద్ది సేప‌టి క్రితం జ‌రిగిన ప్రెస్ మీట్ లో కేవ‌లం సీనియ‌ర్ న‌రేష్ మాత్ర‌మే మాట్లాడారు. ఈ స‌మావేశంలో జీవిత క‌నిపించ‌క‌పోవ‌డంతో ఆమె స్కిప్ కొట్టారా? అంటూ గుస‌గుస‌లు వినిపించాయి. ఇంత‌కీ జీవిత ఏమ‌య్యారు అంటూ ఆరాలు మొద‌ల‌య్యాయి.

ప్రకాశ్ రాజ్ మీడియా సమావేశానికి కౌంటర్ గా ఫిలిం ఛాంబర్ లో మా అధ్యక్షుడు నరేష్ తో కలిసి ప్రెస్ మీట్ పెడుతున్నామ‌ని జీవిత రాజశేఖర్ తొలిగా మీడియాకి సమాచారం ఇవ్వ‌గా ర‌క‌ర‌కాల ఊహాగానాలు తెర‌పైకొచ్చాయి. కానీ స‌డెన్ గా వెన్యూ మారింది. సూప‌ర్ స్టార్ ఇంటికి ప్రెస్ మీట్ షిఫ్ట‌వ్వ‌డంతో అక్క‌డికి జీవిత రాలేదు. జీవిత రాజశేఖ‌ర్ తో కలిసి మీడియా సమావేశం జ‌రుగుతుంద‌ని ప్ర‌చారమైనా ``నరేష్ ప్రెస్ మీట్ కు రాను!`` అని జీవిత షాక్ ఇచ్చార‌ని గుస‌గుస‌లు వినిపిస్తున్నాయి. దీంతో న‌రేష్ ఒక్క‌రే ప్రెస్ మీట్ ని కానిచ్చేశారన్న టాక్ వినిపిస్తోంది. అయితే ఇందులో నిజం ఎంతో సీనియ‌ర్ న‌రేష్ స్వ‌యంగా వెల్ల‌డించాల్సి ఉంటుంది.