బేబీకి సూపర్ స్టార్ అయ్యేంత ఉందా ?

రేపు గ్రాండ్ గా ఓ బేబీ విడుదల కానుంది. సమంతా టైటిల్ రోల్ పోషించిన ఈ మూవీ మీద అంచనాలు బాగానే ఉన్నాయి. దీని దెబ్బతో సామ్ లేడీ సూపర్ స్టార్ అయిపోతుందని ఇండస్ట్రీ వర్గాల్లో ప్రచారం జోరుగా సాగుతోంది. ఆర్టీసీ క్రాస్ రోడ్స్ లోని దేవి థియేటర్ వద్ద బడా హీరోల రేంజ్ లో సమంతా నిలువెత్తు కటవుట్ పెట్టడం సోషల్ మీడియాలో సైతం వైరల్ గా మారింది. నిజంగా ఇది హిట్ అయితే సామ్ అభిమానులు ఊహిస్తున్నట్టు సూపర్ స్టార్ అవుతుందా అంటే వెంటనే ఔనని చెప్పలేం.

దానికి కారణం ఉంది. సమంతా ఇప్పుడు గ్లామర్ రోల్స్ చేయడం లేదు. పెళ్లి చేసుకన్నాక చాలా సెలెక్టివ్ గా పాత్రలను ఎంచుకుంటోంది. హీరోయిన్స్ సూపర్ స్టార్స్ గా ఎదగడంలో మాస్ ప్రేక్షకులదే కీలక పాత్ర. ఓ బేబీ చూస్తే సాఫ్ట్ జానర్ లో కనిపిస్తోంది. పైగా ఏ సెంటర్స్ లో వచ్చిన రన్ అండ్ రెస్పాన్స్ బిసి సెంటర్స్ లో రావడం మీద ట్రేడ్ కే అనుమానాలు ఉన్నాయి .ఈ నేపథ్యంలో ఒక్క ఓ బేబీ సినిమాతోనే సమంతా లేడీ సూపర్ స్టార్ అనిపించుకోవడం అంత ఈజీ కాదు.

ఒకప్పుడు విజయశాంతి లాంటి వాళ్ళు ఆ ట్యాగ్ తెచ్చుకున్నారు అంటే అన్ని రకాల పాత్రల చేయబట్టి. ముఖ్యంగా మాస్ విపరీతంగా ఆదరించే యాక్షన్ సినిమాలు హిట్ కావడం వల్ల. కానీ సమంతాకు అలాంటివి సూట్ కావు. ఎంతసేపూ ఫ్యామిలీ యాంగిల్ లో సాగే రోల్స్ అయితేనే సెట్ అవుతాయి. అంతదాకా ఎందుకు పాత కర్తవ్యంని రీమేక్ చేయాలనే ఆలోచన చేసి అందులో సమంతాను ఊహించుకుంటే చాలు సమాధానం దొరికిపోతుంది. కేవలం సామ్ ఇమేజ్ మీదే సినిమాలు ఆడవని యుటర్న్ ప్రూవ్ చేసింది. సో ఓ బేబీ ఫలితం ఎలా ఉండబోతున్నా ఇప్పటికిప్పుడు సమంతా లేడీ సూపర్ స్టార్ అని చెప్పుకోవడం తొందరపాటే అవుతుంది