ఈ మినీ మూవీతో సప్తగిరి ఫామ్ లోకి వస్తాడా..?

టాలీవుడ్ ఇండస్ట్రీలో ఇదివరకు కామెడీ సినిమా అంటే ప్రత్యేకంగా కమెడియన్స్ క్యారెక్టర్స్ రాసేవారు మేకర్స్. కానీ ఇప్పుడు రోజులు మారిపోయాయి. కమెడియన్స్ లేకపోయినా హీరో హీరోయిన్స్ తోనే కామెడీ చేయించేస్తున్నారు మేకర్స్. అయితే ఇండస్ట్రీలో హీరోలే కామెడీ చేసేస్తున్నారు అని కొందరు కమెడియన్స్ హీరోలుగా మారిపోతున్నారు. కానీ హీరోలుగా మారిన కమెడియన్స్ ఎక్కువకాలం హీరోలుగా కంటిన్యూ అవుతున్నారా అంటే అదికూడా లేదు. వరుసగా ప్లాప్ సినిమాలు పడేసరికి మళ్లీ కామెడీ బాటనే నమ్ముకుంటారు. నిజానికి ఇలాంటి సాహసం దాదాపు ప్రస్తుతం టాలీవుడ్ ఇండస్ట్రీలో ఉన్న కమెడియన్స్ అందరూ ట్రై చేశారు.

అయితే అలాంటి టాలెంట్ కలిగిన వారిలో ఒకరు సప్తగిరి. కమెడియన్ గా కెరీర్ ప్రారంభించిన సప్తగిరి మధ్యలో హీరోగా ఆఫర్స్ రావడంతో చేసాడు. ఆ సినిమాలు హిట్స్ అయ్యేసరికి సినిమాలు చేస్తూ పోయాడు. కానీ హీరోగా ఎక్కువకాలం సినిమాలు చేయలేకపోయాడు. ప్రస్తుతం మళ్లీ కమెడియన్ గానే కెరీర్ రీస్టార్ట్ చేసినట్లు తెలుస్తుంది. అందులో భాగంగానే చేతిలో కమెడియన్ గా చాలా సినిమాలు ఉన్నాయట. మొన్నటివరకు హీరోగా చేసేసరికి మళ్లీ కమెడియన్ గా చేస్తాడా లేదా అని అనుకున్నారు. కానీ అలాంటి సెంటిమెంట్స్ లేకుండా వేరే హీరోల సినిమాల్లో కమెడియన్ గా చేస్తున్నాడు. తాజాగా 'ఏక్ మినీ కథ' అనే మూవీ డిజిటల్ రిలీజ్ కు రెడీ అవుతోంది.

ఈ ఫుల్ లెన్త్ కామెడీ ఎంటర్టైనర్ లో సంతోష్ శోభన్ - కావ్యతపర్ హీరోహీరోయిన్స్ గా నటిస్తున్నారు. అయితే ఈ సినిమాలో సప్తగిరి కీలకరోల్ ప్లే చేసినట్లు తెలుస్తుంది. ముఖ్యంగా సెకండ్ హాఫ్ లో సప్తగిరి కామెడీ హైలైట్ కాబోతుందని.. చాలకాలం తర్వాత సప్తగిరి ఇస్ బ్యాక్ అనడం పక్కా అంటున్నాయట సినీవర్గాలు. ప్రస్తుతం కమెడియన్ గా సప్తగిరి చాలా సినిమాలు లైన్ లో పెట్టేసాడు. ఈ సినిమాలో సప్తగిరి హీరో ఫ్రెండ్ క్యారెక్టర్ చేసాడట. అందులోను హీరో పెళ్లి చేసి ఫస్ట్ కూడా జరిపించాలనే ప్లాన్ చేస్తాడని టాక్. మరి 'ఏక్ మినీ కథ'లో కామెడీ ఎలా ఉండబోతుందనే ఫ్యాన్స్ వెయిటింగ్. చూడాలి మరి సప్తగిరి ఈ సినిమాతో ఫామ్ లోకి వస్తాడేమో!