పవన్ సినిమాకు 'స్టార్ టెక్నీషియన్' వర్క్ చేయనున్నాడా..??

పవర్ స్టార్ పవన్ కళ్యాణ్, డైరెక్టర్ హరీష్ శంకర్ కాంబినేషన్ లో రెండో సినిమా రానున్న సంగతి తెలిసిందే. ఇప్పటికే స్టోరీ డిస్కషన్స్ కూడా ముగిసి స్క్రిప్ట్ కంప్లీట్ చేసే పనిలో పడ్డాడు హరీష్ శంకర్. అయితే ఇదివరకే చెప్పినట్లుగా పవన్ కళ్యాణ్ తో సినిమా చేశాకే వేరే సినిమా చేస్తానని చెప్పేసాడు హరీష్ శంకర్. అయితే పవన్ మాత్రం తన సినిమాలతో బిజీగా ఉంటున్నాడు. కానీ గద్దలకొండ గణేష్ తర్వాత హరీష్ నుండి ఏ సినిమా రాలేదు. మరోవైపు పవన్ కళ్యాణ్ నుండి మూడేళ్ళ తర్వాత వకీల్ సాబ్ రాబోతుంది. పవర్ స్టార్ ఈ సినిమాతో రీఎంట్రీ ఇవ్వనుండటంతో ఫ్యాన్స్ లో భారీ అంచనాలు నెలకొన్నాయి. అలాంటిది గబ్బర్ సింగ్ లాంటి బ్లాక్ బస్టర్ అందించిన హరీష్ తో సినిమా అంటే ఎలాంటి అంచనాలు ఏర్పడతాయో చెప్పాల్సిన అవసరం లేదు.

ఇప్పటికే పవన్, హరీష్ లతో రాక్ స్టార్ దేవిశ్రీ ప్రసాద్ జతకట్టనున్నాడు. మరి ఈ సూపర్ హిట్ కాంబినేషన్ నుండి మరో గబ్బర్ సింగ్ రానుందని ఎక్సపెక్ట్ చేస్తున్నారు. అయితే తాజాగా ఈ సినిమా గురించి కొత్తగా ఒక అప్డేట్ సోషల్ మీడియాలో వైరల్ అవుతోంది. తాజాగా పవన్ - హరీష్ శంకర్ ల సినిమాకి ఫేమస్ సినిమాటోగ్రాఫర్ అయనంక బోస్ వర్క్ చేయనున్నట్లు సమాచారం. ఇదివరకే హరీష్ శంకర్ తో బోస్.. దువ్వాడ జగన్నాధం, గద్దలకొండ గణేష్ సినిమాలు చేసాడు. అయితే ఈసారి కూడా హరీష్ శంకర్.. పవన్ కోసం అయనంక బోస్ నే ఫిక్స్ చేసాడట. ప్రస్తుతం ఈ వార్త తెలిసి పవన్ కళ్యాణ్ అభిమానులు ఫుల్ ఖుషి అవుతున్నారు. ఇదిలా ఉండగా.. పవన్ కళ్యాణ్ ఈ సినిమాలో ఇంతకు ముందెన్నడు చూడని పాత్రలో కనిపిస్తాడని సమాచారం. ప్రస్తుతం పవన్ వకీల్ సాబ్ కంప్లీట్ చేసి, అయ్యప్పన్ కోషియం రీమేక్ షూటింగ్ తో బిజీగా ఉన్నాడు.