ఇద్దరు డెబ్యూల హీరోలతో సందీప్ క్లాష్

ఎల్లుండి మరో రసవత్తరమైన బాక్స్ ఆఫీస్ పోరుకు రంగం సిద్ధమయ్యింది. స్టార్లతో తీసిన భారీ బడ్జెట్ మూవీస్ కాకపోయినా చెప్పుకోదగ్గ బజ్ ఉండటంతో మూడు సినిమాల ఓపెనింగ్స్ మీద నిర్మాతలు చాలా ఆశలు పెట్టుకున్నారు. దొరసాని-నిను వీడని నీడను నేనే-రాజ్ దూత్ 12న రేస్ లో ఒకేసారి దిగబోతున్నాయి. ఇందులో రెండు సినిమాలు డెబ్యూ హీరలవి. దొరసానితో విజయ్ దేవరకొండ తమ్ముడు ఆనంద్ దేవరకొండ తెరంగేట్రం చేస్తుండగా దివంగత నటులు రియల్ స్టార్ శ్రీహరి అబ్బాయి మేఘంష్ టాలీవుడ్ కు పరిచయం కాబోతున్నాడు.

రెండు జానర్లు సంబంధం లేనివి కావడంతో కాన్సెప్ట్ పరంగా క్లాష్ లేదు కానీ టాక్ పాజిటివ్ గా వస్తేనే దేనికైనా పికప్ ఉంటుంది. దొరసానితోనే యాంగ్రీ మ్యాన్ రాజశేఖర్ కూతురు శివాత్మిక ఎంట్రీ ఇవ్వడం మరో ఆకర్షణగా నిలుస్తోంది. ఇదంతా ఒక ఎత్తు అయితే డిఫరెంట్ హారర్ థ్రిల్లర్ తో సందీప్ కిషన్ తన నిను వీడని నీడను నేనేతో వీటితో క్లాష్ కు సై అంటున్నాడు. హీరోగా సీనియరే కానీ నిర్మాతగా అతనికీ ఇది డెబ్యూ మూవీ. కథ విపరీతంగా నచ్చడంతో తనే పెట్టుబడి పెట్టేందుకు ముందు వచ్చాడు.

ట్రైలర్ ప్రామిసింగ్ గా ఉండటంతో పాటు ఆడియో కు పాజిటివ్ ఫీడ్ బ్యాక్ రావడం దీనికి ప్లస్ అవుతోంది. మరి దొరసాని రాజ్ దూత్ లతో తన దెయ్యాన్ని ఎలా పోటీలో నిలబెట్టి గెలిపిస్తాడో ఆసక్తికరంగా నిలిచింది. ఇవి కాకుండా ఆర్ నారాయణమూర్తి మార్కెట్ లో ప్రజాస్వామ్యం కూడా విడుదల అవుతున్నప్పటికీ వీటికి పోటీగా ట్రేడ్ దాన్ని భావించడం లేదు కానీ కాంపిటీషన్ ఎక్కువగా ఈ మూడింటి మధ్యే ఉంటుందని చెప్పుకోవచ్చు.