స్టార్‌ హీరో తనయుడి తెరంగేట్రం

తమిళంతో పాటు తెలుగులో కూడా మంచి క్రేజ్‌ ఉన్న స్టార్‌ హీరో సూర్య. తమిళంలో వరుసగా సినిమాల్లో నటిస్తూ వాటిని తెలుగు ప్రేక్షకుల ముందుకు తీసుకు వచ్చి ఇక్కడ కూడా తనకంటూ ఒక ప్రత్యేక గుర్తింపును దక్కించుకున్న హీరో సూర్య. ఈయన చాలా సంవత్సరాల క్రితం హీరోయిన్‌ జ్యోతికను వివాహం చేసుకున్న విషయం తెల్సిందే. వీరిద్దరికి ఇద్దరు సంతానం. తమిళ మీడియాలో గత కొన్ని రోజులుగా సూర్య 8 సంవత్సరాల తనయుడు తెరంగేట్రం చేయబోతున్నాడు అంటూ వార్తలు వస్తున్నాయి.

తమిళ మీడియాలో వస్తున్న వార్తలను కొందరు కొట్టి పారేశారు. కాని సూర్య ఫ్యామిలీ నుండి ఈ విషయమై క్లారిటీ వచ్చేసింది. గతంలో మాదిరిగా సూర్య తన 2డి ఎంటర్‌ టైన్‌ మెంట్స్‌ బ్యానర్‌ లో చిన్న పిల్లల సినిమాను తెరకెక్కించబోతున్నాడు. కొన్నాళ్ల క్రితం మేము అనే సినిమాను నిర్మించిన సూర్య తాజాగా మరోసారి నిర్మాతగా చిన్న పిల్లలకు సంబంధించిన సినిమాను నిర్మించబోతున్నాడు.

'మేము' చిత్రంలో సూర్య కీలక పాత్రలో కనిపించిన విషయం తెల్సిందే. ఆ సినిమా తెలుగు ఎక్కువగా ఆడకపోయినా, తమిళంలో మాత్రం బాగా ఆడినది. ఇప్పుడు తమిళంలో మరోసారి చిన్న పిల్లల నేపథ్యంలో ఒక చిత్రాన్ని నిర్మించబోతున్నాడు. ఆ సినిమా కోసం తన కొడుకు దేవ్‌ ను కీలక పాత్రలో ఎంపిక చేసినట్లుగా సమాచారం అందుతోంది. స్టార్‌ హీరోల సినిమాలు సినిమాల్లో కనిపించడం కామన్‌, అయితే సూర్య తనయుడు మొదటి సినిమాతోనే కీలక పాత్రతో కనిపించబోతున్న నేపథ్యంలో సూర్య ఫ్యాన్స్‌ ఆసక్తిగా ఎదురు చూస్తున్నారు.