రిలీజ్ హడావిడి లేదు.. ఆ యాంకర్ హీరోగా సక్సెస్ అవుతాడా??

తెలుగు యాంక‌ర్ ప్ర‌దీప్ మాచిరాజు హీరోగా ప‌రిచ‌యం అవుతున్న‌ సినిమా '30 రోజుల్లో ప్రేమించ‌టం ఎలా’. విడుదలకు ముందే ఈ సినిమాలోని ‘నీలినీలి ఆకాశం ఇద్దామ‌నుకున్నా’ అనే పాట యూట్యూబ్‌లో సెన్సేష‌న్ సృష్టించింది. టాలీవుడ్ సంగీత ప్రియుల ఆద‌ర‌ణ‌తో 220 మిలియ‌న్ వ్యూస్ క్రాస్ చేసి ఈ ఫీట్ సాధించిన కొత్తపాటగా స‌రికొత్త రికార్డు సాధించింది. డైరెక్టర్ సుకుమార్ ద‌గ్గ‌ర ఆర్య 2, 1నేనొక్క‌డినే సినిమాలకు ప‌నిచేసిన మున్నా.. ఈ సినిమా ద్వారా దర్శకుడిగా పరిచయం అవుతున్నాడు. ఈ సినిమాను ఎస్వీ ప్రొడ‌క్ష‌న్స్ బ్యాన‌ర్‌ పై ఎస్వీ బాబు నిర్మిస్తున్నాడు. అనూప్ రూబెన్స్ సంగీతం స‌మ‌కూర్చిన.. ‘నీలి నీలి ఆకాశం‘ పాటతో ’30 రోజుల్లో ప్రేమించ‌టం ఎలా’ సినిమా ఫుల్ బజ్ క్రియేట్ చేసుకుంది. అయితే టీవీ సెలబ్రిటీ, యాంక‌ర్ ప్ర‌దీప్ డెబ్యూ చేయబోతున్న ఈ సినిమా విడుదల తేదీ దగ్గర పడుతున్నా ఈ చిత్రబృందం నుండి ఎలాంటి హడావిడి కనిపించడం లేదు.

క‌రోనా వలన ఈ సినిమా వాయిదా పడకుంటే ప్రదీప్ హీరోగా స‌క్సెస్ అయ్యావాడో లేదో అప్పుడే తెలిసిపోయేది. మొన్నటి వరకు లాక్ డౌన్ కారణంగా ప్రదీప్ సినిమా రిలీజ్ అవుతుందో లేదో తెలియని డైలామాలో ఉన్నారు. కానీ ఏడాది వెయిట్ చేసి.. జనవరి 29న విడుదల చేస్తున్నట్లు ప్రకటించారు మేకర్స్. అయితే ఈ సినిమా నుండి అసలు ప్రమోషన్స్ జరుగుతున్నాయో లేదో తెలియడం లేదు. అయితే థియేటర్లో రిలీజ్ చేస్తే టీవీ యాంకర్ గా ఆదిరించిన ఆడియెన్స్ టికెట్స్ కొంటారో లేదో అనే సందేహంలో ఉన్నారేమో అంటూ ఇండస్ట్రీ వర్గాలలో టాక్. అసలే 50% సీటింగ్ ఉన్న తెలుగు రాష్ట్రాలలో ఇప్పటికి చాలామందికి ప్రదీప్ సినిమా రిలీజ్ అవుతుందనే విషయం తెలియదు. అసలే భారీ గ్యాప్ వచ్చింది. ఇప్పటికైనా ప్రదీప్ టీమ్ ప్రమోషన్స్ చేయకపోతే జనాలకు సినిమా రీచ్ అయ్యే అవకాశం తక్కువ. చూడాలి మరి యాంకర్ ప్రదీప్ కాస్త హీరో ప్రదీప్ అవుతాడో లేదో..!!